این بی پی نے ایبٹ آباد پبلک اسکول میں اے آئی اور روبوٹکس لیب قائم کردیا
- لیبارٹری کا مقصد نوجوان نسل کو جدید ٹیکنالوجی سے ہم آہنگ کرکے بااختیار بنانا ہے
نیشنل بینک آف پاکستان (این بی پی) نے پاکستان میں ڈیجیٹل تعلیم کے فروغ اور نوجوان نسل کو جدید ٹیکنالوجی سے ہم آہنگ کرنے کے لیے ایبٹ آباد پبلک اسکول میں مصنوعی ذہانت، روبوٹکس اور سائنس، ٹیکنالوجی، انجینئرنگ اور ریاضی (STEM) ڈیجیٹل لیبارٹری قائم کردیا ہے۔
یہ اہم اقدام پاکستان کے ڈیجیٹل مستقبل کی تشکیل میں این بی پی کے کردار اور جدید تعلیم کے فروغ کے عزم کا عکاس ہے۔ اس لیبارٹری کے قیام سے ایبٹ آباد پبلک اسکول کے طلبہ کو اے آئی، روبوٹکس اور جدید ٹیکنالوجیز کے عملی استعمال اور اپنی تخلیقی و تکنیکی صلاحیتوں کو نکھارنے کے مواقع میسر آئیں گے۔
جدید لیبارٹری کا افتتاح 14 نومبر 2026 کو اسکول کے سالانہ یوم والدین کی تقریب میں کیا گیا، جس میں وفاقی وزیر تعلیم وجیہہ قمر، اسکول پرنسپل اختر علی قریشی اور دیگر معزز مہمانوں نے شرکت کی۔ اس منصوبے کا تصور اور سربراہی این بی پی ڈیجیٹل بینکنگ گروپ کے ڈویژنل ہیڈ فرحان جے درانی نے کی۔ موثر رابطہ کاری اور ادارہ جاتی تعاون کے ذریعے منصوبے کو عملی جامہ پہنایا گیا۔ تقریب میں این بی پی کی نمائندگی فرحان جے درانی، عمران گل (جنرل منیجر، اسلام آباد و شمالی علاقہ جات) اور فخر زمان خان (ریجنل ہیڈ، ایبٹ آباد) نے کی۔
این بی پی کے ڈیجیٹل بینکنگ گروپ کے چیف ڈیجیٹل آفیسر عدنان ناصر نے اس موقع پر کہا، ”یہ اقدام ٹیکنالوجی، جدت اور ڈیجیٹل تعلیم کے ذریعے نئی نسل کو بااختیار بنانے کے این بی پی کے عزم کا عکاس ہے۔ ہمارا مقصد طلبہ کو جدید ٹیکنالوجی سے روشناس کرانے کے ساتھ ساتھ انہیں مستقبل کے تقاضوں سے ہم آہنگ کرنا اور دستیاب مواقع سے بھرپور استفادہ کے قابل بنانا ہے۔“
یہ منفرد اقدام AI، روبوٹکس، جدید ٹیکنالوجیز اور عملی ڈیجیٹل تعلیم کے ذریعے نئی نسل کی صلاحیتوں کو پروان چڑھانے کے لیے این بی پی کے عزم کا ثبوت ہے۔ این بی پی بینکاری کے شعبے تک محدود رہنے کے بجائے پاکستان کے نوجوانوں کی علمی و تکنیکی صلاحیتوں میں اضافہ کرنے اور انہیں مستقبل کے تقاضوں سے ہم آہنگ کرنے کے لیے مسلسل سرمایہ کاری کر رہا ہے۔ ملک کے ممتاز تعلیمی اداروں میں ایسے بامقصد اقدامات کے ذریعے بینک نہ صرف نوجوان نسل کے روشن مستقبل کی بنیاد رکھ رہا ہے بلکہ ایک دیرپا اور قابلِ فخر ورثہ بھی تشکیل دے رہا ہے۔
نوجوان ذہنوں کی تعمیر میں سرمایہ کاری این بی پی کا قابل فخر اقدام ہے، جو پاکستان کے ڈیجیٹل مستقبل کو مستحکم بنیاد فراہم کرے گا۔




















Comments