BR100 Decreased By (-0.12%)
BR30 Decreased By (-0%)
KSE100 Decreased By (-0.13%)
KSE30 Decreased By (-0.15%)
BAFL 59.90 Decreased By ▼ -0.09 (-0.15%)
BIPL 24.48 Increased By ▲ 0.05 (0.2%)
BOP 31.43 Increased By ▲ 0.17 (0.54%)
CNERGY 11.81 Decreased By ▼ -0.02 (-0.17%)
DFML 16.26 Decreased By ▼ -0.06 (-0.37%)
DGKC 201.93 Increased By ▲ 0.06 (0.03%)
FABL 93.90 Increased By ▲ 0.04 (0.04%)
FCCL 58.92 Decreased By ▼ -0.37 (-0.62%)
FFL 14.12 Decreased By ▼ -0.03 (-0.21%)
GGL 19.64 Increased By ▲ 0.16 (0.82%)
HBL 302.99 Decreased By ▼ -0.51 (-0.17%)
HUBC 206.50 Increased By ▲ 0.14 (0.07%)
HUMNL 8.16 Increased By ▲ 0.04 (0.49%)
KEL 6.15 No Change ▼ 0.00 (0%)
LOTCHEM 25.74 No Change ▼ 0.00 (0%)
MLCF 102.89 Decreased By ▼ -0.36 (-0.35%)
OGDC 313.88 Increased By ▲ 1.09 (0.35%)
PAEL 34.65 Decreased By ▼ -0.18 (-0.52%)
PIBTL 13.76 Increased By ▲ 0.04 (0.29%)
PIOC 270.00 Increased By ▲ 0.33 (0.12%)
PPL 223.26 Increased By ▲ 0.64 (0.29%)
PRL 81.90 Decreased By ▼ -0.26 (-0.32%)
SNGP 91.45 Increased By ▲ 0.04 (0.04%)
SSGC 23.90 Decreased By ▼ -0.03 (-0.13%)
TELE 7.32 No Change ▼ 0.00 (0%)
TPLP 12.70 Decreased By ▼ -0.06 (-0.47%)
TRG 52.85 Increased By ▲ 0.06 (0.11%)
UNITY 8.43 Decreased By ▼ -0.05 (-0.59%)
WTL 1.44 Increased By ▲ 0.05 (3.6%)
کاروبار اور معیشت

انتھروپک کی نیس ڈیک میں دھماکے دار انٹری، مارکیٹ ویلیو 2 ٹریلین ڈالر ہوگئی

  • دنیا کی پہلی عوامی طور پر لسٹ ہونے والی جدید اے آئی کمپنی کے حصص کی قیمت 83 ڈالر فی شیئر مقرر کی گئی تھی، تاہم کاروبار کے آغاز پر یہ 111.50 ڈالر تک پہنچ گئی
شائع اپ ڈیٹ

مصنوعی ذہانت (اے آئی) کی معروف کمپنی انتھروپک نے جمعرات کو امریکی اسٹاک مارکیٹ نیس ڈیک میں شاندار آغاز کیا، جہاں اس کی مارکیٹ ویلیو 2 ٹریلین ڈالر تک پہنچ گئی، جس کے بعد اس نے جون میں ہونے والی اسپیس ایکس کی بڑی لسٹنگ کو بھی پیچھے چھوڑ دیا۔

دنیا کی پہلی عوامی طور پر لسٹ ہونے والی جدید اے آئی کمپنی کے حصص کی قیمت 83 ڈالر فی شیئر مقرر کی گئی تھی، تاہم کاروبار کے آغاز پر یہ 111.50 ڈالر تک پہنچ گئی، جو ابتدائی قیمت سے 34 فیصد زیادہ تھی۔ بعد ازاں حصص 108.72 ڈالر پر ٹریڈ ہوتے رہے۔

چیٹ بوٹ کلاڈ بنانے والی کمپنی کی کامیاب اسٹاک مارکیٹ انٹری اور اس سے قبل چپ ساز کمپنی این ویڈیا کے مضبوط مالی نتائج کو اے آئی انڈسٹری کے لیے اہم پیش رفت قرار دیا جارہا ہے۔ ٹیکنالوجی کے شعبے میں مجموعی مندی کے باوجود انتھروپک کے حصص کی بھرپور طلب نے سرمایہ کاروں کی دلچسپی ظاہر کی ہے۔

کمپنی نے 83 ڈالر فی شیئر کے حساب سے 98 کروڑ حصص فروخت کیے، جبکہ ابتدائی طور پر قیمت کی حد 70 سے 78 ڈالر مقرر کی گئی تھی۔ انڈر رائٹرز کی جانب سے اضافی حصص خریدنے کا اختیار مکمل استعمال کرنے کی صورت میں آئی پی او سے حاصل ہونے والی رقم 93.5 ارب ڈالر تک پہنچ سکتی ہے۔

نجی سرمایہ کاری کے ذریعے مزید 26 ارب ڈالر بھی حاصل کیے گئے، جس میں گوگل، مائیکروسافٹ، این ویڈیا، اے ایم ڈی، براڈکام، مائکرون اور ٹی ایس ایم سی سمیت بڑی ٹیکنالوجی کمپنیوں نے سرمایہ کاری کی۔

انتھروپک کی یہ لسٹنگ اسے مائیکروسافٹ، ایپل اور این ویڈیا جیسی کھربوں ڈالر مالیت کی کمپنیوں کی صف میں شامل کرتی ہے۔ اس کے حریف ادارے اوپن اے آئی کی جانب سے بھی 2027 میں اسٹاک مارکیٹ میں لسٹنگ پر غور کیے جانے کی اطلاعات ہیں۔

رائٹرز کے مطابق کمپنی کے چیف ایگزیکٹو ڈاریو اموڈی اور ان کے 6 شریک بانیوں کے پاس مجموعی طور پر تقریباً 10 فیصد حصص ہیں، جن کی مالیت آئی پی او کی قیمت کے مطابق تقریباً 150 ارب ڈالر بنتی ہے۔

تاہم سرمایہ کاروں میں اے آئی انڈسٹری کے مستقبل اور اس پر ہونے والے بھاری اخراجات کے منافع بخش ہونے سے متعلق خدشات بھی موجود ہیں۔ کمپنی نے ایمیزون اور گوگل سمیت شراکت داروں کے ساتھ کمپیوٹنگ صلاحیت کے حصول کے لیے تقریباً 900 ارب ڈالر کی مالی ذمہ داریاں بھی ظاہر کی ہیں۔

تجزیہ کاروں کے مطابق انتھروپک کے حصص کی آئندہ کارکردگی پوری اے آئی انڈسٹری میں سرمایہ کاروں کے رجحان کا اہم پیمانہ بن سکتی ہے۔ دوسری جانب کمپنی نے اپنے آئی پی او دستاویزات میں خبردار کیا ہے کہ جدید اے آئی ماڈلز غیر متوقع رویہ اختیار کرسکتے ہیں اور ان کی ترقی نگرانی کے نظام سے زیادہ تیز ہوسکتی ہے۔

Comments

200 حروف