ایران جنگ جلد ختم ہوجائے گی، ٹرمپ کا دعوی

امریکی صدر ڈونلڈ ٹرمپ نے جمعرات کو صحافیوں سے گفتگو کرتے ہوئے کہا کہ ان کے خیال میں ایران کے ساتھ جنگ جلد ختم ہو جائے گی۔ انہوں نے یہ بھی بتایا کہ مسلح افواج کو بعض ہتھیاروں کی فراہمی کے حوالے سے مشکلات کا سامنا ہے۔

ٹرمپ نے ایران کے حوالے سے اوول آفس میں کہا کہ میرے خیال میں یہ جنگ بہت جلد ختم ہو جائے گی۔ مجھے نہیں لگتا کہ وہ زیادہ دیر تک اسے جاری رکھ سکتے ہیں۔

رائٹرز نے منگل کو رپورٹ کیا تھا کہ ایران کے ساتھ پانچ ماہ سے جاری جنگ کے دوران امریکی فوج نے انتہائی درست نشانے والے طویل فاصلے تک مار کرنے والے میزائلوں کے اپنے عالمی ذخیرے کا بڑا حصہ استعمال کرلیا ہے۔

جب ان سے اسلحے اور گولہ بارود کے ذخائر کی صورتحال کے بارے میں پوچھا گیا تو ٹرمپ نے کہا کہ ملک کے پاس بعض ہتھیاروں کی تقریباً لامحدود مقدار موجود ہے تاہم انہوں نے تسلیم کیا کہ دیگر ہتھیاروں کے ذخائر محدود ہیں۔

ٹرمپ نے کہا کہ ہمارے پاس بعض اقسام کے انتہائی طاقتور ہتھیاروں اور گولہ بارود کے ذخائر تقریباً لامحدود ہیں۔ تاہم کچھ دیگر ہتھیار ایسے ہیں جن کے ذخائر نسبتاً محدود ہیں۔

ٹرمپ نے مزید کہا کہ امریکی دفاعی کمپنیاں مزید پیداواری پلانٹس قائم کررہی ہیں جن میں پیٹریاٹ اور ٹوماہاک میزائلوں کی تیاری کے لیے قائم کی جانے والی تنصیبات بھی شامل ہیں۔