متحدہ عرب امارات سے خام تیل لے کر پاکستانی پرچم بردار ٹینکر آبنائے ہرمز کے راستے خلیج سے روانہ
- یہ بحری جہاز اپنا کارگو اتارنے کے لیے کراچی بندرگاہ کی جانب بڑھ رہا ہے
پاکستانی پرچم بردار ٹینکر شالامار متحدہ عرب امارات سے خام تیل لوڈ کرنے کے بعد آبنائے ہرمز کے راستے خلیج سے روانہ ہوچکا۔
بحری جہازوں کی نقل و حرکت کے اعدادوشمار فراہم کرنے والے اداروں کپلر اور ایل ایس ای جی کے مطابق پاکستانی پرچم بردار ٹینکر شالامار متحدہ عرب امارات سے خام تیل لوڈ کرنے کے بعد آبنائے ہرمز کے راستے خلیج سے باہر نکل گیا ہے۔
ڈیٹا کے مطابق یہ بحری جہاز اپنا کارگو اتارنے کے لیے کراچی بندرگاہ کی جانب بڑھ رہا ہے جہاں اس کی 19 اپریل کو پہنچنے کی توقع ہے۔
شالامار ان دو پاکستانی ٹینکروں میں سے ایک ہے جو اتوار کو خام تیل اور پٹرولیم مصنوعات لوڈ کرنے کے لیے آبنائے ہرمز میں داخل ہوئے تھے۔
امریکی ناکہ بندی کی وجہ سے رواں ہفتے آبنائے ہرمز میں بحری ٹریفک کی روانی سست ہے۔
امریکی بحریہ نے جمعرات کو ایک ایڈوائزری میں کہا کہ ناکہ بندی کا دائرہ کار وسیع کر دیا گیا ہے تاکہ ممنوعہ قرار دیے گئے کارگو کو بھی اس میں شامل کیا جا سکے اور ایرانی سرزمین تک پہنچنے کی کوشش کرنے والے کسی بھی مشکوک جہاز کے خلاف جنگجو ملک کے طور پر تلاشی لینے اور معائنہ کرنے کا حق استعمال کیا جائے گا۔
Comments