امریکہ کے ساتھ متعدد امور پر پیش رفت ہوئی مگر معاہدہ قریب نہیں، ایران

ایران کی وزارت خارجہ کے ترجمان نے پیر کے روز کہا ہے کہ امریکہ کے ساتھ ممکنہ مفاہمتی یادداشت (ایم او یو) پر ہونے والی بات چیت میں کئی موضوعات پر نتائج تک پہنچا جا چکا ہے، تاہم اس کا مطلب یہ نہیں کہ تہران کسی معاہدے پر دستخط کے قریب ہے۔

ترجمان اسماعیل بقائی نے مزید کہا کہ ایران جنگ کے خاتمے کے لیے مذاکرات کر رہا ہے اور اس وقت جوہری معاملات پر بات نہیں ہو رہی۔ انہوں نے یہ بھی دہرایا کہ امریکی حکام کے مؤقف میں تبدیلیاں کسی بھی معاہدے کے لیے مشکلات پیدا کرتی ہیں۔