پاکستان اور ایران کا اقتصادی تعاون کے عزم کا اعادہ

وفاقی وزیر برائے خزانہ و محصولات، سینیٹر محمد اورنگزیب نے الولا کانفرنس برائے ایمرجنگ مارکیٹ اکانومیز 2026 کے موقع پر اسلامی جمہوریہ ایران کے وزیر برائے اقتصادی امور و خزانہ، ڈاکٹر سید علی مدنی زادہ سے ملاقات کی۔

ملاقات میں پاکستان اور ایران کے درمیان دوطرفہ تجارت اور اقتصادی تعاون کو مضبوط بنانے پر گفتگو کی گئی۔

دونوں وزرا نے اپنے اپنے ممالک کی اعلیٰ قیادت کے وژن اور ہدایات کے مطابق دوطرفہ تجارتی حجم میں اضافے کے مشترکہ عزم کا اعادہ کیا۔ انہوں نے اس مقصد کے حصول کے لیے مسلسل روابط، تجارتی سہولت کاری اور درپیش رکاوٹوں کے خاتمے کی اہمیت پر زور دیا۔

گفتگو کے دوران ایران وزیر نے سرمایہ کاری اور مارکیٹ میں تعاون سے متعلق مختلف شعبہ جاتی مواقع کو اجاگر کیا، جن کا مقصد اقتصادی تعلقات کو مزید گہرا کرنا اور باہمی فائدہ مند نتائج حاصل کرنا ہے۔ سینیٹر محمد اورنگزیب نے ان تجاویز کا خیرمقدم کیا۔

ایرانی وزیر نے سینیٹر محمد اورنگزیب کو ایران کے دورے کی دعوت دی، جس کے جواب میں وفاقی وزیر خزانہ نے انہیں اسلام آباد کے دورے کی دعوت دی۔

کاپی رائٹ بزنس ریکارڈر، 2026