جاز اور نوکیا نے ایس ڈی ایم پلیٹ فارم کی ورچوئلائزیشن مکمل کرلی

جاز نے نوکیا کے اشتراک سے اپنے سبسکرائبر ڈیٹا مینجمنٹ (ایس ڈی ایم) پلیٹ فارم کی ورچوئلائزیشن مکمل کرلی جو اس کے نیٹ ورک کی جدید کاری کے سفر میں ایک اہم سنگ میل کی حیثیت رکھتا ہے۔

یہ منتقلی صارفین کی خدمات میں کسی بھی قسم کے خلل کے بغیر باآسانی مکمل ہوگئی جو کہ جاز کی انجینئرنگ کی صلاحیت اور پاکستان بھر میں لاکھوں صارفین کو محفوظ، قابلِ اعتماد اور بلاتعطل ڈیجیٹل تجربات فراہم کرنے کے عزم کو اجاگر کرتی ہے۔

نوکیا کے آن پریمیسس کلاؤڈ نیٹو سبسکرائبر ڈیٹا لیئر کے ذریعے اس تبدیلی کے عمل میں روایتی سبسکرائبر ڈیٹا مینجمنٹ سسٹمز کو ایک انتہائی قابلِ توسیع اور مضبوط آرکیٹیکچر سے تبدیل کیا جا رہا ہے جو جاز کے نیٹ ورک کے ارتقا میں ایک اہم سنگِ میل ہے۔ اپنے ایل ایل آر اور ایچ ایس ایس انفرااسٹرکچر کو ایک متحد، اسٹیٹ لیس ڈیٹا بیس انجن میں جدید بنانے کے ذریعے جاز نہ صرف روایتی نظام کی رکاوٹوں کو ختم کر رہا ہے بلکہ سبسکرائبر ڈیٹا مینجمنٹ کے لیے زیادہ لچکدار، تیز رفتار اور مؤثر ماحول بھی تشکیل دے رہا ہے۔

جاز ورلڈ کے چیف ٹیکنالوجی آفیسر خالد شہزاد نے کہا کہ ہمارے سبسکرائبر ڈیٹا مینجمنٹ پلیٹ فارم کی کامیاب ورچوئلائزیشن ایک مکمل طور پر کلاؤڈ نیٹو نیٹ ورک کی جانب جاز کے سفر میں ایک اہم سنگ میل کی حیثیت رکھتی ہے۔

نوکیا میں موبائل انفرااسٹرکچر کے ایم ای اے سروسز کے وائس پریذیڈنٹ اور ہیڈ حاتم الحریری نے کہا کہ جاز کے ساتھ ہمارا تعاون ایک قابلِ اعتماد پارٹنر کے طور پر نوکیا کے اس کردار کی عکاسی کرتا ہے جو مصنوعی ذہانت (اے آئی) کے دور کی بنیاد بننے والی کنیکٹیویٹی کو فروغ دے رہا ہے۔ جاز کے نیٹ ورک کی جدید کاری کے سفر میں مدد فراہم کرکے ہم اس کے اہم بنیادی ڈھانچے کی کارکردگی، لچک اور چستی کو مضبوط کرنے میں مدد کر رہے ہیں جبکہ مسلسل جدت طرازی اور زیادہ ذہین، کلاؤڈ نیٹو نیٹ ورکس کی طرف ارتقاء کے لیے ایک بنیاد بھی فراہم کر رہے ہیں۔