او جی ڈی سی ایل نے قادرپور گیس فیلڈ میں اپنا حصہ 83 فیصد کرلیا

آئل اینڈ گیس ڈیولپمنٹ کمپنی (او جی ڈی سی ایل ) نے جمعہ کو کہا ہے کہ قادِرپور گیس فیلڈ میں کوفپیک پاکستان کے ایکسپلوریشن اینڈ پروڈکشن ملکیتی حصص 75 فیصد سے بڑھ کر 82.99 فیصد ہوگئے ہیں۔

یہ پیشرفت پاکستان اسٹاک ایکسچینج کو بھیجے گئے ایک نوٹس کے ذریعے شیئر کی گئی۔

نوٹس میں کہا گیا ہے کہ کوفپیک پاکستان بی وی کے ساتھ فارم-اِن معاہدے کے ذریعے قادِر پور ڈیولپمنٹ اینڈ پروڈکشن لیزمیں 7.99 فیصد اضافی ورکنگ انٹرسٹ (حصص) کے حصول کے حوالے سے ہمیں یہ بتاتے ہوئے خوشی ہو رہی ہے کہ حصول کا عمل مکمل ہو چکا ہے۔

نوٹس میں مزید کہا گیا ہے کہ حکومتِ پاکستان کی منظوری اور ڈیڈ آف اسائنمنٹ پر عمل درآمد کے بعد کوفپیک پاکستان سے او جی ڈی سی ایل کو 7.99 فیصد ورکنگ انٹرسٹ (حصص) کی منتقلی مکمل کردی گئی ہے۔

او جی ڈی سی ایل پاکستان کی سب سے بڑی ایکسپلوریشن اینڈ پروڈکشن (تیل و گیس کی تلاش اور پیداوار) کمپنی ہے۔ اس کی سرگرمیوں میں تیل و گیس کی تلاش، ڈرلنگ (کھدائی) کی خدمات، پیداوار، ریزروائر مینجمنٹ (ذخائر کا انتظام) اور انجینئرنگ سپورٹ شامل ہیں۔

او جی ڈی سی ایل کی حالیہ تزویراتی پیش رفت میں اپنے ذخائر کو متنوع بنانے اور پیداواری صلاحیت بڑھانے کے لیے گیس کی تلاش میں اضافہ شامل ہے۔ کمپنی تنوع پیدا کرنے کی کوششوں میں بھی مصروف ہے جن میں ریکوڈک کاپر-گولڈ پروجیکٹ کے لیے فنڈنگ کا عزم اور ابوظہبی آف شور بلاک-5 پر پیش رفت شامل ہے۔