ایران نے خلیج عمان میں آئل ٹینکر قبضے میں لے لیا، سرکاری میڈیا کا دعویٰ

ایرانی فوج کے بیان کا حوالہ دیتے ہوئے سرکاری میڈیا نے خبر دی ہے کہ ایران نے خلیج عمان میں آئل ٹینکر اوشین کوئی کو قبضے میں لے لیا ہے۔ ایران کے مطابق یہ کارروائی ایرانی تیل کی برآمدات میں خلل ڈالنے کی مبینہ کوشش کے جواب میں کی گئی ہے۔

بیان میں کہا گیا ہے کہ بارباڈوس کے جھنڈے والا یہ ٹینکر ایرانی تیل لے جا رہا تھا اور علاقائی حالات کا فائدہ اٹھاتے ہوئے تیل کی برآمدات کو نقصان پہنچانے اور اس میں خلل ڈالنے کی کوشش کر رہا تھا۔

سرکاری میڈیا کے مطابق مذکورہ آئل ٹینکرجس پر فروری سے امریکی پابندیاں عائد ہیں کو ایران کے جنوبی ساحل پر لایا گیا اور عدالتی حکام کے حوالے کر دیا گیا ہے۔

ٹینکر کو قبضے میں لینے کا یہ واقعہ ایک ایسے وقت میں پیش آیا جب آبنائے ہرمز میں امریکی اور ایرانی افواج کے درمیان تصادم ہوا، جو خلیج کو خلیج عمان سے ملاتی ہے۔

ایران نے اس تنگ آبی گزرگاہ کو جہاں سے دنیا کے تیل کی سپلائی کا تقریباً پانچواں حصہ گزرتا ہے، 28 فروری کو ایران کے خلاف امریکہ اسرائیل جنگ شروع ہونے سے قبل ہی بڑی حد تک بند کر دیا تھا۔