وزیراعظم نے این ایل سی کی پی ایم ایس سی میں 30 فیصد حصص کی خریداری کی منظوری دے دی

پاکستان نیشنل شپنگ کارپوریشن (پی این ایس سی ) نے کہا ہے کہ اسے وزارتِ بحری امور کی جانب سے باضابطہ اطلاع موصول ہوئی جس میں تصدیق کی گئی کہ وزیراعظم شہباز شریف نے نیشنل لاجسٹک کارپوریشن کی پی ایم ایس سی میں 30 فیصد حصص کی خریداری کی منظوری دے دی ہے۔

کمپنی نے اسٹاک ایکسچینج کو بھیجے گئے ایک نوٹس میں اس پیشرفت سے آگاہ کیا۔

وزیراعظم نے متعلقہ قوانین اور ضوابط کے مطابق انتظامی کنٹرول کی منتقلی اور استحکام کے حقوق کی بھی منظوری دے دی ہے۔

نوٹس میں کہا گیا کہ مندرجہ بالا ہدایات کے تحت اپنے مذکورہ خط کے ذریعے این ایل سی نے باضابطہ طور پر پی این ایس سی میں حصص کی خریداری اور انتظامی کنٹرول کے حصول کے لیے اپنی نیت کا اظہار کیا ہے۔

پی این ایس سی پاکستان کا قومی بحری ادارہ ہے۔ یہ دنیا بھر میں ڈارائی بلک اور مائع سامان کی نقل و حمل کے کام میں مصروف ہے۔ پی این ایس سی حکومتِ پاکستان کی وزارتِ سمندری امور کے ماتحت کام کرتا ہے۔

کمپنی 12 بحری جہازوں کے بیڑے کا انتظام سنبھالتی ہے جس کی مال برداری کی مجموعی صلاحیت 938,876 ٹن ہے۔ مزید برآں پی این ایس سی رئیل اسٹیٹ کا کاروبار اور مرمت کی ایک ورکشاپ بھی رکھتا ہے۔