فرانس 6 فروری کو گرین لینڈ میں قونصلیٹ کھولے گا

فرانسیسی وزیر خارجہ ژاں نوئیل بارو نے بدھ کے روز کہا کہ فرانس آئندہ 6 فروری کو گرین لینڈ میں ایک قونصلیٹ کھولے گا، جو گزشتہ سال سے منصوبہ بندی کے مراحل میں تھا، اس وقت جب امریکی صدر ڈونلڈ ٹرمپ آرکٹک خطے پر کنٹرول حاصل کرنے کی کوششیں جاری رکھے ہوئے ہیں۔

انہوں نے آر ٹی ایل ریڈیو سے گفتگو میں کہا کہ امریکہ کو گرین لینڈ کو بلیک میل کرنے اور اس خودمختار ڈنمارک خطے پر قبضے کی خواہش کا اظہار کرنے سے باز آنا ہوگا۔

انہوں نے مزید کہا کہ کسی اور نیٹو رکن ملک پر حملہ کرنا کوئی معنی نہیں رکھتا، یہ دراصل امریکہ کے مفاد کے بھی خلاف ہے، لہٰذا یہ بلیک میلنگ ہر صورت ختم ہونی چاہیے۔