معصوم لوگوں کی حفاظت کرنا چاہتا تھا ، بونڈی بیچ حملے کے ہیرو کا بیان

بونڈی بیچ میں ہنُکا تقریب پر حملے کے دوران ہیرو احمد ال احمد نے ایک حملہ آور سے ہتھیار چھین کر معصوم لوگوں کی جان بچانے کی کوشش کی، وہ واقعے کو یاد کرتے ہوئے کہتے ہیں کہ ان کا مقصد صرف ہتھیار لے کر کسی کی جان بچانا تھا جب کہ ساجد اور نوید اکرم پر 14 دسمبر کو 15 افراد کو ہلاک اور متعدد کو زخمی کرنے کا الزام ہے۔

احمد، جو واقعے کے وقت کافی پینے کے لیے ساحل پر تھے نے بتایا کہ انہوں نے حملہ آور کی پیٹھ پر چھلانگ لگائی اور اسے روکنے کی کوشش کی لیکن اس دوران وہ کندھے میں گولی لگنے سے شدید زخمی ہوئے اور کئی سرجری کروانی پڑیں۔ ان کے اقدامات کو نہ صرف آسٹریلیا بلکہ ان کے وطن شام میں بھی فخر کی نگاہ سے دیکھا جا رہا ہے۔

حکومت نے احمد اور ان کے اہل خانہ کے لیے ویزے تیز تر طریقے سے جاری کیے ہیں۔ حملے کے دوران والد ساجد اکرم مارے گئے جبکہ بیٹے نوید اکرم کو دہشت گردی اور قتل کے الزامات میں حراست میں لیا گیا ہے۔