مارکیٹ سپلائی کے خطرات کے پیشِ نظر خام تیل کی قیمتوں میں معمولی اضافہ

خام تیل کی قیمتوں میں جمعہ کو معمولی اضافہ دیکھا گیا جس کی وجہ امریکہ کی جانب سے وینزویلا کی تیل کی ترسیلات پر معاشی دباؤ میں اضافہ اور ابوجا حکومت کی درخواست پر شمال مغربی نائیجیریا میں اسلامک اسٹیٹ کے عسکریت پسندوں کے خلاف امریکی فضائی حملے بنے۔

برنٹ کروڈ فیوچرز 6 سینٹ یا 0.1 فیصد اضافے سے 62.30 امریکی ڈالر فی بیرل پر پہنچ گئے۔

امریکی ویسٹ ٹیکساس انٹرمیڈیٹ کروڈ بھی 6 سینٹ اضافے کے ساتھ 58.41 امریکی ڈالر پر ٹریڈ ہوا۔

وینزویلا اور نائیجیریا دونوں بڑے تیل پیدا کرنے والے ممالک ہیں۔

اگرچہ نائیجیریا کی تیل کی تنصیبات اور ذخائر بنیادی طور پر ملک کے جنوبی حصے میں واقع ہیں، لیکن (شمال مغرب میں ہونے والے) ان فضائی حملوں نے جغرافیائی و سیاسی خطرات میں اضافہ کردیا ہے۔

وائٹ ہاؤس نے اپنی فوجی افواج کو کم از کم اگلے دو ماہ تک وینزویلا کے تیل کے قرنطینہ پر توجہ مرکوز کرنے کا حکم دیا ہے جو اس بات کا اشارہ ہے کہ واشنگٹن فی الحال کاراکاس (وینزویلا) پر دباؤ ڈالنے کے لیے فوجی ذرائع کے بجائے معاشی ذرائع استعمال کرنے میں زیادہ دلچسپی رکھتا ہے۔

گلیکسی فیوچرز کے تجزیہ کار ٹونگ چوان کا کہنا ہے کہ کرسمس کی تعطیلات کے باعث مارکیٹوں کی بندش کی وجہ سے سال کے اختتام پر مارکیٹ کی سرگرمیاں نسبتاً دھیمی رہی ہیں۔