ڈیفالٹ رسک میں بہتری، پاکستان عالمی سطح پر دوسرے نمبر پر

بلومبرگ کے مطابق، پاکستان نے خود مختار ڈیفالٹ کے خطرے میں سب سے تیز کمی ریکارڈ کی ہے اور اب عالمی سطح پر صرف ترکیہ کے بعد دوسرے نمبر پر ہے۔

وفاقی وزیر خزانہ کے مشیر خرم شہزاد نے ایکس پر ایک پیغام میں لکھا کہ پاکستان واحد ملک ہے جس نے گزشتہ سال کے دوران ڈیفالٹ کے خطرے میں مستقل بہتری دکھائی ہے۔

انہوں نے کہا کہ ہر سہ ماہی میں ملک نے مستقل ترقی کی ہے، اور یہی واحد معیشت ہے جو ایسا کر سکی ہے۔

خرم شہزاد کے مطابق، سب سے نمایاں کمی خود مختار ڈیفالٹ کے خطرے میں گزشتہ 15 ماہ کے دوران دیکھی گئی۔