امریکی ڈالر 19 ماہ کی بلند ترین سطح پر پہنچ گیا
- ڈالر انڈیکس مسلسل چھٹے روز اضافے کے بعد 103.66 پر پہنچ گیا، جو 2 اپریل 2025 کے بعد بلند ترین سطح ہے
عالمی کرنسی مارکیٹ میں منگل کو امریکی ڈالر کی قدر میں مزید اضافہ ہوا اور یہ دیگر بڑی کرنسیوں کے مقابلے میں 19 ماہ کی بلند ترین سطح پر پہنچ گیا۔ امریکا میں مہنگائی کی توقعات سے زیادہ شرح اور فیڈرل ریزرو کی جانب سے سخت مانیٹری پالیسی کے اشاروں نے ڈالر کو تقویت دی۔
رپورٹ کے مطابق ڈالر انڈیکس مسلسل چھٹے روز اضافے کے بعد 103.66 پر پہنچ گیا، جو 2 اپریل 2025 کے بعد بلند ترین سطح ہے۔ یہ انڈیکس یورو، برطانوی پاؤنڈ اور جاپانی ین سمیت 6 بڑی کرنسیوں کے مقابلے میں ڈالر کی قدر ظاہر کرتا ہے۔
سی ایم ای گروپ کے فیڈ واچ ٹول کے مطابق سرمایہ کار دسمبر کے اجلاس میں امریکی شرح سود میں اضافے کو یقینی سمجھ رہے ہیں، جبکہ 50 بیسس پوائنٹس کے بڑے اضافے کے امکانات تقریباً 4 فیصد رہ گئے ہیں۔
دوسری جانب ایشیائی مارکیٹوں میں مصنوعی ذہانت سے متعلق کمپنیوں کے حصص میں فروخت کے دباؤ نے آسٹریلوی ڈالر کو بھی متاثر کیا۔ آسٹریلوی ڈالر کم ہوکر 0.6725 امریکی ڈالر پر آگیا، جو جنوری کے بعد کم ترین سطح ہے۔
ادھر ڈالر سوئس فرانک کے مقابلے میں 0.84075 اور جاپانی ین کے مقابلے میں 159.49 تک پہنچ گیا، جبکہ یورو 1.0985 ڈالر اور برطانوی پاؤنڈ 1.3172 ڈالر پر آگیا۔
ماہرین کے مطابق امریکی مارکیٹ میں سرمایہ کاری کے مسلسل بہاؤ اور شرح سود میں اضافے کی توقعات ڈالر کو مزید سہارا دے سکتی ہیں۔





















Comments