اے سی سی ویمنز ایشیا کپ اور ایشیا گیمز کے لیے ویمنز اسکواڈز کا اعلان

پاکستان کرکٹ بورڈ (پی سی بی) نے ڈی پی ورلڈ ویمنز ایشیا کپ 2026 اور 20ویں ایشین گیمز کے لیے خواتین کرکٹ ٹیم کے 15 رکنی اسکواڈز کا اعلان کردیا ہے۔ کپتان فاطمہ ثنا دونوں ایونٹس میں ٹیم کی قیادت کریں گی۔ وہ دی ہنڈرڈ میں مصروفیت کے باعث سری لنکا کے خلاف ٹی20 سیریز میں شریک نہیں ہوئی تھیں۔

ایشیا کپ 28 اگست سے 13 ستمبر تک دبئی میں کھیلا جائے گا۔ پاکستان گروپ اے میں بھارت، تھائی لینڈ اور ہانگ کانگ کے ساتھ شامل ہے۔ پاکستان یکم ستمبر کو تھائی لینڈ، 5 ستمبر کو بھارت اور 7 ستمبر کو ہانگ کانگ کے مدمقابل ہوگا۔ سیمی فائنلز 10 اور 11 جبکہ فائنل 13 ستمبر کو ہوگا۔

ایشین گیمز میں پاکستان 17 ستمبر کو کوارٹر فائنل میں تھائی لینڈ سے کھیلے گا۔ کامیابی کی صورت میں سیمی فائنل 20 ستمبر جبکہ کانسی اور طلائی تمغوں کے مقابلے 22 ستمبر کو ہوں گے۔

شیڈول :

ایشیا کپ اسکواڈ میں فاطمہ ثنا، منیبہ علی صدیقی، شوال ذوالفقار، گل فیروزہ، نجمہ علوی، سعدیہ اقبال اور دیگر شامل ہیں۔ ایشین گیمز کے لیے عالیہ ریاض، تسمیہ روباب اور حمنہ بلال کو بھی اسکواڈ میں شامل کیا گیا ہے۔ پاکستان نے 2010 اور 2014 میں ایشین گیمز میں طلائی تمغے جیتے تھے۔