اسرائیلی فوج کا اردن سرحد کے قریب دو ڈرون مار گرانے کا دعویٰ

اسرائیلی فوج نے کہا ہے کہ اس نے پیر کے روز اردن کی سرحد کے قریب دو ڈرونز کو مار گرایا اور یہ جاننے کے لیے تحقیقات شروع کر دی ہیں کہ انہیں کہاں سے لانچ کیا گیا تھا۔

اس سے قبل رواں ماہ اسرائیلی فوج نے بتایا تھا کہ اسرائیلی اور اردنی افواج نے ایران کی جانب سے اردن کے شہر عقبہ کی طرف داغا گیا ایک میزائل بھی تباہ کر دیا تھا۔

اسرائیلی فوج نے اپنے بیان میں کہا کہ کچھ دیر قبل اسرائیلی دفاعی افواج (آئی ڈی ایف) نے اردن کی سرحد کے قریب دو بغیر پائلٹ فضائی گاڑیوں کو روک کر تباہ کر دیا۔

بیان میں مزید کہا گیا کہ یہ ڈرونز اسرائیلی حدود میں داخل نہیں ہوئے تھے۔ انہیں کہاں سے لانچ کیا گیا، اس کا جائزہ لیا جا رہا ہے۔

واضح رہے کہ امریکا اور ایران کے درمیان حالیہ کشیدگی اور فوجی کارروائیوں کے تازہ دور میں اسرائیل نے براہِ راست حصہ نہیں لیا ہے۔