ایران نے منگل کو دوحہ میں ملاقات کی درخواست کی ہے، ٹرمپ کا دعویٰ

امریکی صدر ڈونلڈ ٹرمپ نے کہا ہے کہ ایران نے ملاقات کی درخواست کی ہے، جو منگل کو خلیجی ریاست قطر کے دارالحکومت دوحہ میں ہوگی، حالانکہ تہران اس سے قبل مذاکرات کی منصوبہ بندی کی خبروں کی تردید کر چکا ہے۔

ٹرمپ نے پیر کے روز اپنے سوشل میڈیا پلیٹ فارم ٹروتھ سوشل پر لکھا ہے کہ ”ایران نے ملاقات کی درخواست کی ہے۔ یہ ملاقات کل دوحہ میں ہوگی!“

دوسری جانب، ایران کی وزارتِ خارجہ نے پیر کو ان خبروں کی تردید کی ہے کہ ایران اور امریکہ کی تکنیکی ٹیمیں رواں ہفتے مشرقِ وسطیٰ کی جنگ کے خاتمے سے متعلق معاہدے پر عمل درآمد کے لیے ملاقات کریں گی۔