حکومت نے انٹر کارپوریٹ ڈیویڈنڈ پر ٹیکس ریلیف کی تجویز مسترد کر دی

وفاقی حکومت نے کارپوریٹ شعبے کو بڑا ریلیف دینے کی ایک اہم تجویز مسترد کر دی ہے، جس کے تحت بجٹ 2026-27 میں انٹر کارپوریٹ ڈیویڈنڈ پر عائد ٹیکس ختم کرنے کی تجویز دی گئی تھی۔

ذرائع کے مطابق آئندہ بجٹ میں انٹر کارپوریٹ ڈیویڈنڈ ٹیکس واپس لینے کی تجویز تیار کی گئی تھی، تاہم بدھ کے روز بجٹ جائزہ اجلاس کے دوران اس تجویز کو مسترد کر دیا گیا۔

وزارت خزانہ کے ٹیکس پالیسی آفس نے کارپوریٹ گروپ اسٹرکچرز کے اندر تقسیم کیے جانے والے ڈیویڈنڈز (انٹر کارپوریٹ ڈیویڈنڈز) پر ٹیکس نیوٹرلٹی بحال کرنے کی تجویز کا جائزہ لیا تھا تاکہ کارپوریٹ شعبے پر اضافی یا متعدد ٹیکسوں کے بوجھ سے بچا جا سکے۔

ذرائع کا کہنا ہے کہ انٹرنیشنل مانیٹری فنڈ (آئی ایم ایف) نے بھی اس تجویز کی مخالفت کی ہے۔ ذرائع نے مزید کہا کہ اس تجویز کے منظور ہونے کے امکانات نہ ہونے کے برابر ہیں۔

کاپی رائٹ بزنس ریکارڈر، 2026