پاکستان سپر لیگ 11: کراچی میں میچز آج سے ہوں گے

پاکستان سپر لیگ 11 کے لاہور مرحلے کا پہلا حصہ اختتام پذیر ہو گیا۔

منگ کو ایونٹ میں آرام کا دن تھا جب کہ آج (بدھ) سے کراچی میں لیگ کا باقاعدہ آغاز ہوگا۔

15 ویں میچ میں حیدرآباد کنگزمین اور پشاور زلمی کی ٹیمیں نیشنل اسٹیڈیم کراچی میں مدمقابل ہوں گی۔ مقابلہ کل شام 7 بجے شروع ہوگا۔

پشاور زلمی اب تک ایونٹ میں دو میچز کھیل چکی ہے، ایک میں کامیابی حاصل کی جبکہ ایک میچ بارش کی نذر ہوا۔

ٹیم زلمی پوائنٹس ٹیبل پر تین پوائنٹس کے ساتھ پانچویں نمبر پر موجود ہے۔ حیدرآباد کنگز کو اب تک کھیلے گئے تینوں میچز میں ناکامی کا سامنا کرنا پڑا ۔

پاکستان سپر لیگ 11 میں اب تک 14 میچز کھیلے گئے پوائنٹس ٹیبل پرملتان سلطانز سرفہرست ہیں۔

ملتان سلطانز نے اب تک پانچ میچ کھیلے، چار میچز جیت کر آٹھ پوائنٹس حاصل کیے۔

کراچی کنگز اب تک کھیلےگئے تینوں میچز جیت کر چھ پوائنٹس کے ساتھ دوسرے نمبر پر موجود ہیں۔ اسلام آباد یونائیٹڈ پانچ پوائنٹس کے ساتھ تیسرے نمبر پر ہے۔

لاہور قلندرز چار پوائنٹس کے ساتھ چوتھے، پشاور زلمی تین پوائنٹس کے ساتھ پانچویں پوزیشن پر موجود ہے۔

کوئٹہ گلیڈی ایٹرز دو پوائنٹس کے ساتھ چھٹے نمبر پر ہیں۔

راولپنڈیز بغیر کوئی میچ جیتے ساتویں اور حیدرآباد کنگز مین بھی اب تک کھیلے اپنے تینوں میچز ہار کر آخری پوزیشن پر موجود ہیں۔