پاکستان کی سیمٹری گروپ کو فنانس ایشیا کے بہترین کمپنیز پول کا اعزاز حاصل

سیمٹری گروپ لمیٹڈ کو ایشیا کے بہترین کمپنیز پول 2026 میں شناخت حاصل ہوئی ہے، جو فنانس ایشیا کے زیرِ اہتمام منعقد کیا گیا—یہ ایشیا پیسیفک کیپٹل مارکیٹس پر رپورٹنگ کرنے والے خطے کے معروف ترین جریدوں میں سے ایک ہے۔

سیمٹری جو ایک ڈیجیٹل ٹیکنالوجی اور ایکسپیرینسز کمپنی ہے اور ڈیجیٹل مصنوعات اور خدمات میں مہارت رکھتی ہے، نے یہ کامیابی منگل کے روز پاکستان اسٹاک ایکسچینج کو بھیجے گئے نوٹس میں ظاہر کی۔

نوٹس کے مطابق ایشیا کے بہترین کمپنیز پول کی درجہ بندی خطے بھر کے سرمایہ کاروں اور مالیاتی تجزیہ کاروں کی آرا پر مبنی ہوتی ہے اور یہ گزشتہ سال کی کارپوریٹ کارکردگی کی عکاسی کرتی ہے۔

کمپنی نے پاکستان مارکیٹ میں درج ذیل اعزازات حاصل کیے:

• بہترین منیجڈ کمپنی – ٹیکنالوجی (گولڈ)

• بہترین منیجڈ کمپنی – میڈیا اینڈ انٹرٹینمنٹ (سلور)

• بہترین استعمال برائے ٹیکنالوجی (سلور)

کمپنی نے کہا کہ یہ پہچان اس کے مسلسل جدت (انویشن)، آپریشنل ایکسیلنس اور اسٹیک ہولڈرز کے لیے ویلیو تخلیق پر توجہ کی عکاسی کرتی ہے۔

سیمٹری گروپ لمیٹڈ نے کہا کہ وہ مسلسل بہتری اور اپنے شیئر ہولڈرز کو قدر فراہم کرنے کے لیے پرعزم ہے۔

فروری میں گروپ نے مجموعی طور پر 1,250 ملین روپے تک کی سرمایہ کاری کے منصوبے کی منظوری دی تھی، جس میں ایک امریکی ٹیکنالوجی کمپنی کا حصول اور ایک مقامی اے آئی اور ڈیٹا ڈرِوَن ڈیجیٹل کمپنی میں اسٹریٹجک سرمایہ کاری شامل ہے۔

یہ معروف سافٹ ویئر ہاؤس 30 جون 2025 کو ختم ہونے والی مدت کے لیے 168.14 ملین روپے کا بعد از ٹیکس منافع (پی اے ٹی) رپورٹ کر چکا ہے، جو 22 فیصد سے زائد اضافہ ظاہر کرتا ہے۔

کمپنی نے 2024 میں 137.26 ملین روپے کا بعد از ٹیکس منافع حاصل کیا تھا۔

اسکی 2025 میں فی حصص آمدنی (ای پی ایس) 0.59 روپے بنتی ہے، جبکہ 2024 میں یہ 0.51 روپے فی حصص تھی۔