شمالی کوریا کے رہنما نے آبدوز کی تعمیر کا معائنہ اور میزائل تجربے کی نگرانی کی
- کم جونگ اُن نے ایک اور مقام پر 8 ہزار 700 ٹن وزنی جوہری توانائی سے چلنے والی آبدوز کی تعمیر کا بھی جائزہ لیا ، جو زمین سے فضا میں مار کرنے والے میزائل داغنے کی صلاحیت رکھتی ہے
شمالی کوریا کے رہنما کم جونگ اُن نے اپنی بیٹی کے ہمراہ آبدوز کی تعمیر کا معائنہ کیا اور طویل فاصلے تک زمین سے فضا میں مار کرنے والے میزائلوں کے تجرباتی لانچ کی نگرانی کی۔
سرکاری میڈیا نے بتایا کہ مشرقی ساحل کے قریب کیے گئے میزائل تجربے کا مقصد نئے نوعیت کے بلند فضا میں مار کرنے والے میزائل کی تیاری سے متعلق اسٹریٹجک ٹیکنالوجی کا جائزہ لینا تھا۔
کے سی این اے کے مطابق میزائل نے 200 کلومیٹر دور فضا میں موجود اہداف کو تباہ کیا۔ ادھر جنوبی کوریا کے جوائنٹ چیفس آف اسٹاف نے میزائل تجربے کی تصدیق کرتے ہوئے کہا کہ لانچ کی پیشگی تیاریوں کا علم تھا۔
کم جونگ اُن نے ایک اور مقام پر 8 ہزار 700 ٹن وزنی جوہری توانائی سے چلنے والی آبدوز کی تعمیر کا بھی جائزہ لیا جو زمین سے فضا میں مار کرنے والے میزائل داغنے کی صلاحیت رکھتی ہے۔
رپورٹ کے مطابق یہ منصوبہ بحریہ کو جدیت بنانے کے لیے حکمران جماعت کی پالیسیوں کا حصہ ہے۔ کم جونگ اُن نے کہا کہ موجودہ عالمی حالات پرامن نہیں، اس لیے جوہری صلاحیتوں اور بحری طاقت کی ترقی ناگزیر ہے۔
Comments
Comments are closed.