ایڈیلیڈ ٹیسٹ: ایلکس کیری کی شاندار سنچری، پہلے روز آسٹریلیا نے 8 وکٹوں کے نقصان پر 326 رنز بنالیے
- عثمان خواجہ اور ایلکس کیری کے درمیان 91 رنز کی شراکت نے آسٹریلوی ٹیم کو سہارا دیا
ایلکس کیری اور عثمان خواجہ کی شاندار بیٹنگ کی بدولت ایشیز سیریز کے تیسرے میچ کے پہلے روز آسٹریلیا نے 8 وکٹوں کے نقصان پر 326 رنز بنالیے۔
ایڈیلیڈ میں کھیلے جارہے میچ میں آسٹریلیا نے ٹاس جیت کر پہلے بیٹنگ کا فیصلہ کیا تو اوپنرز جیک ویدرالڈ 18 اور ٹریوس ہیڈ 10 رنز بنا کر پویلین واپس لوٹ گئے۔
عثمان خواجہ نے مارنس لبوشین کے ہمراہ 61 رنز کی شراکت قائم کی۔
مارنس لبوشین نے 19 رنز بنائے۔ کیمرون گرین بغیر کوئی رن بنائے پویلین چلتے بنے۔
عثمان خواجہ اور ایلکس کیری کے درمیان 91 رنز کی شراکت نے آسٹریلوی ٹیم کو سہارا دیا۔ عثمان خواجہ 82 رنز بناکر آؤٹ ہوئے۔ جوش انگلیس 32، کپتان پیٹ کمنز 13 رنز بناکر آؤٹ ہوئے۔
ایلکس کیری آج آسٹریلیا کے آؤٹ ہونے والے آخری بلے باز تھے جنہوں نے 106 رنز کی شاندار اننگز کھیلی۔
مچل اسٹارک 33 اور نیتھن لائن بغیر کوئی رن بنائے کریز پر موجود ہیں۔
انگلینڈ کی جانب سے جوفرا آرچر نے 3، برائیڈن کارس اور ول جیکس نے 2،2 جبکہ وجش ٹنگ نے ایک وکٹ حاصل کی۔
میچ سے قبل بنڈائی بیچ شوٹنگ کے متاثرین کے احترام میں ایک منٹ کی خاموشی اختیار کی گئی اور دونوں ٹیموں نے سیاہ پٹیاں باندھیں۔ دو مسلسل شکستوں کے بعد انگلینڈ کے لیے یہ میچ جیتنا سیریز میں برقرار رہنے کے لیے ناگزیر ہے جبکہ آسٹریلیا کے لئے ایشیز برقرار رکھنے کے لیے ڈرا بھی کافی ہوگا۔
Comments
Comments are closed.