پہلی سہ ماہی: لکی سیمنٹ کے منافع میں 19 فیصد اضافہ

رواں مالی سال 2025-26 کی پہلی سہ ماہی کے دوران لکی سیمنٹ کا بعد از ٹیکس منافع 19 فیصد اضافے سے 23.56 ارب روپے رہا جو گزشتہ سال کی اسی مدت میں 19.8 ارب روپے تھا۔ منافع میں یہ اضافہ زیادہ آمدنی کی وجہ سے ریکارڈ ہوا۔

بورڈ آف ڈائریکٹرز (بی او ڈی) نے پیر کو ہونے والے اجلاس میں کمپنی کی 30 ستمبر 2025 کو ختم ہونے والی سہ ماہی کے مالیاتی نتائج کا جائزہ لیا۔

کمپنی کی فی حصص آمدنی (ای پی ایس) گزشتہ سال کے 12.24 روپے کے مقابلے میں بڑھ کر 15.01 روپے ہو گئی۔

مالیاتی گوشواروں کے مطابق لکی سیمنٹ کی خالص آمدنی میں تقریباً 11 فیصد اضافہ ہوا جو گزشتہ سال کے 111.6 ارب روپے کے مقابلے میں 123.6 ارب روپے ریکارڈ کی گئی۔

دریں اثنا فروخت کی لاگت مالی سال 2026 کی پہلی سہ ماہی میں بڑھ کر 92.11 ارب روپے ہوگئی جو گزشتہ سال 79.89 ارب روپے تھی جس میں 15 فیصد سے زائد اضافہ ظاہر ہوتا ہے۔

نتیجتاً مجموعی منافع 31.7 ارب روپے کے مقابلے میں معمولی کمی کے ساتھ 31.5 ارب روپے رہا جو تقریباً 1 فیصد کی کمی ظاہر کرتا ہے۔

جائزہ مدت کے دوران کمپنی کے مالیاتی اخراجات میں 40 فیصد کی نمایاں کمی دیکھی گئی جو 8.02 ارب روپے سے کم ہو کر 4.8 ارب روپے رہے۔

پہلی سہ ماہی میں کمپنی کے ڈسٹری بیوشن اور انتظامی اخراجات 6.6 ارب روپے کے مقابلے میں گھٹ کر 6.3 ارب روپے رہے، جو تقریباً 5 فیصد کی کمی ظاہر کرتے ہیں۔

تاہم لکی سیمنٹ کی دیگر آمدنی میں 27 فیصد اضافہ ریکارڈ کیا گیا جو گزشتہ سال کے اسی عرصے میں 3.3 ارب روپے کے مقابلے میں بڑھ کر 4.1 ارب روپے ہوگئی۔

نتیجتاً، مالی سال 2026 کی پہلی سہ ماہی میں سیمنٹ ساز کمپنی کا قبل از ٹیکس منافع بڑھ کر 24.2 ارب روپے کے مقابلے میں 29.8 ارب روپے ہوگیا، جو تقریباً 23 فیصد اضافہ ظاہر کرتا ہے۔

اسی عرصے کے دوران کمپنی نے 6.2 ارب روپے کے ٹیکس ادا کیے جو گزشتہ سال کے مقابلے میں 40 فیصد زیادہ ہیں۔