وائٹ ہاؤس کے مطابق امریکی صدر ڈونلڈ ٹرمپ جمعرات کے روز فیڈرل ریزرو کا دورہ کریں گے، حالانکہ وہ فیڈرل ریزرو کے چیئرمین جیروم پاول کے سخت ناقد سمجھے جاتے ہیں۔
ٹرمپ نے بارہا پاول کو تنقید کا نشانہ بنایا ہے کہ انہوں نے امریکی شرح سود میں جارحانہ انداز سے کمی نہیں کی۔ انہوں نے منگل کے روز پاول کو بے وقوف قرار دیا اور یہاں تک کہ انہیں برطرف کرنے کے امکان پر بھی کھلے عام غور کیا۔
وائٹ ہاؤس نے بدھ کے روز میڈیا کو جاری کردہ اپنے شیڈول میں بتایا کہ ٹرمپ جمعرات کو شام 4 بجے (ایسٹن ٹائم) یعنی 2000 جی ایم ٹی پر فیڈرل ریزرو جائیں گے۔
شیڈول میں یہ واضح نہیں کیا گیا کہ آیا ٹرمپ پاول سے ملاقات کریں گے یا نہیں۔
فیڈرل ریزرو کے ایک عہدیدار نے اس حوالے سے فوری طور پر کسی تبصرے سے انکار کیا۔ وائٹ ہاؤس کے ڈپٹی چیف آف اسٹاف جیمز بلئیر نے اس ہفتے کے آغاز میں کہا تھا کہ انتظامیہ کے عہدیدار جمعرات کو فیڈ کا دورہ کریں گے لیکن انہوں نے یہ ذکر نہیں کیا تھا کہ صدر بھی ان کے ساتھ ہوں گے۔
ٹرمپ کا یہ دورہ پاول اور فیڈ پر ان کے اور ان کے مشیروں کی جانب سے بڑھتے ہوئے دباؤ کو ظاہر کرتا ہے، جو روایتی طور پر ایک خودمختار ادارہ سمجھا جاتا ہے۔
Comments
Comments are closed.