شمالی کوریا جاپان میں ہونے والے ایشین گیمز کے لیے تقریباً 100 کھلاڑی بھیجے گا

شمالی کوریا رواں سال جاپان میں ہونے والے ایشین گیمز میں 14 کھیلوں کے مقابلوں کے لیے تقریباً 100 کھلاڑی بھیجے گا۔ ملک کی اولمپک کمیٹی کے سیکریٹری جنرل نے ٹوکیو سے شائع ہونے والے ایک اخبار کو بتایا کہ شمالی کوریا کا دستہ گزشتہ ایشین گیمز کے مقابلے میں مختصر ہوگا۔

جاپان کے ساتھ شمالی کوریا کے تعلقات اکثر کشیدہ رہتے ہیں۔ شمالی کوریا نے عالمی وبا کے باعث 2021 کے ٹوکیو سمر اولمپکس میں بھی شرکت نہیں کی تھی۔

2023 میں چین کے شہر ہانگژو میں ہونے والے ایشین گیمز میں شمالی کوریا نے 18 کھیلوں میں 185 کھلاڑیوں پر مشتمل دستہ بھیجا تھا، جس نے 11 طلائی، 18 چاندی اور 10 کانسی کے تمغے جیتے تھے۔

شمالی کوریا کے عہدیدار کو چول ہو نے امید ظاہر کی ہے کہ اس بار مختصر دستہ تین سال قبل کے مقابلے میں زیادہ تمغے حاصل کرے گا۔

اس سال جاپان کے صوبہ آئچی کے شہر ناگویا اور دیگر شہروں میں 19 ستمبر سے 4 اکتوبر تک ہونے والے 20ویں ایشین گیمز میں 45 ممالک کے 11 ہزار سے زائد کھلاڑیوں کی شرکت متوقع ہے۔