افغانستان ٹی ٹوئنٹی سیریز کیلئے دہلی میں بھارت کی میزبانی کرے گا

افغانستان اگلے ماہ نئی دہلی میں بھارت کے خلاف تین ٹی ٹوئنٹی انٹرنیشنل میچوں کی سیریز کی میزبانی کرے گا، دونوں ممالک کے کرکٹ بورڈز نے بدھ کو بتایا۔

افغانستان میں سیاسی اور سکیورٹی چیلنجز کے باعث افغان ٹیم طویل عرصے سے بھارت اور متحدہ عرب امارات کو اپنی ہوم سیریز کے لیے میزبان مقامات کے طور پر استعمال کرتی رہی ہے۔سیریز کے میچز 13، 15 اور 17 ستمبر کو نئی دہلی کے ارون جیٹلی اسٹیڈیم میں کھیلے جائیں گے۔

بھارتی کرکٹ کنٹرول بورڈ (بی سی سی آئی) نے افغانستان کو کرکٹ کھیلنے والے ملک کے طور پر ترقی دینے میں معاونت کی ہے اور 2018 میں افغانستان کے پہلے ٹیسٹ میچ کی میزبانی بھی کی تھی۔

بی سی سی آئی کے صدر متھن منہاس نے ایک بیان میں کہا بی سی سی آئی افغانستان میں کرکٹ کی ترقی کے لیے معاونت جاری رکھنے اور اس کے کھلاڑیوں کو اعلیٰ ترین سطح پر مقابلہ کرنے کے مواقع فراہم کرنے کے لیے پُرعزم ہے۔

افغانستان کرکٹ بورڈ کے چیئرمین میرواعظ اشرف نے آئندہ سیریز کو سراہا۔واعظ اشرف نے کہا یہ سیریز افغانستان کرکٹ کے لیے بہت اہمیت رکھتی ہے اور بی سی سی آئی کے ساتھ ہمارے دیرینہ تعلقات کی ترقی میں ایک اور اہم قدم کی نمائندگی کرتی ہے۔