زمبابوے نے بھارت کے خلاف جمعرات سے ہرارے اسپورٹس کلب میں شروع ہونے والی تین ٹی ٹوئنٹی انٹرنیشنل میچوں کی سیریز کے لیے غیر ملکی وکٹ کیپر بلے باز تفادزوا تسیگا کو اسکواڈ میں شامل کر لیا ہے۔
32 سالہ تفادزوا تسیگا نے زمبابوے کے لیے 10 ٹیسٹ میچز کھیل رکھے ہیں، تاہم انہوں نے اس سے قبل کبھی محدود اوورز کی بین الاقوامی کرکٹ میں نمائندگی نہیں کی۔آل راؤنڈر ویسلی مدھویرے اور انجری سے صحت یاب ہونے والے فاسٹ باؤلر نیومین نیام ہوری کو دوبارہ اسکواڈ کا حصہ بنایا گیا ہے، جبکہ ٹیم کی قیادت پاکستان میں پیدا ہونے والے سکندر رضا کریں گے۔
بنگلہ دیش کے خلاف حالیہ سیریز جیتنے والی ٹیم سے کلائیو مڈانڈے، تینوٹینڈا ٹیناشی ماپوسا اور برینڈن کنگ تاشنگا موسیکیوا کو ڈراپ کر دیا گیا ہے۔ سیریز کے تمام میچز ہرارے میں کھیلے جائیں گے۔
Comments