کولمبیا کی شوٹ آؤٹ میں شکست، لورینسو کا ٹیم میں جیت کے جذبے کی کمی پر اظہار افسوس

کولمبیا کے مینیجر نیستور لورینسو کا کہنا ہے کہ دباؤ کو گول میں تبدیل نہ کرنے کی قیمت ٹیم کو ورلڈ کپ سے باہر ہو کر چکانی پڑی۔

ورلڈ کپ کے راؤنڈ آف 16 میں سوئٹزرلینڈ کے خلاف پنالٹیز پر 4-3 سے شکست کے بعد پریس کانفرنس کرتے ہوئے انہوں نے کہا کہ ٹیم نے 120 منٹ کے کھیل میں فتح کے لیے بھرپور کوشش کی، میچ انتہائی سخت اور ٹیکٹیکل تھا۔

نیستور لورینسو نے کہا کہ ہمیں جس چیز کی کمی محسوس ہوئی وہ صرف ایک گول تھا۔ مقررہ 90 منٹ کے دوران ہمارے حملوں اور ارادوں کے لحاظ سے ہم جیت کے زیادہ حقدار تھے۔ انہوں نے میچ کے دوران اہم کھلاڑیوں جان آریس اور لوئس دیاز کو تبدیل کرنے کے فیصلے کا دفاع کرتے ہوئے کہا کہ دونوں کھلاڑی تھکن کا شکار تھے اور ان پر دوسرا یلو کارڈ ملنے کا خطرہ بھی تھا، جس کی وجہ سے ٹیم کو 10 کھلاڑیوں تک محدود ہونے سے بچانے کے لیے یہ فیصلہ کیا گیا۔ انہوں نے کہا کہ ہم نے گول کے لیے 15 کوششیں کیں، لیکن فٹ بال میں بعض اوقات گیند نیٹ میں نہیں جاتی اور آپ کو اس کا خمیازہ بھگتنا پڑتا ہے۔