کھیل
ویمن ٹی ٹوئنٹی ورلڈ کپ: آسٹریلیا نے ویسٹ انڈیز کو ہرا کر فائنل کیلئے کوالیفائی کرلیا
- آسٹریلیا نے 126 رنز کا ہدف 2 وکٹوں کے نقصان پر صرف 13 اوورز میں حاصل کیا
آئی سی سی ویمن ٹی ٹوئنٹی ورلڈ کپ کے پہلے سیمی فائنل میں آسٹریلیا نے ویسٹ انڈیز کو 8 وکٹوں سے شکست دے کر فائنل کے لیے کوالیفائی کر لیا۔
لندن کے اوول گراؤنڈ میں کھیلے گئے پہلے سیمی فائنل میں ویسٹ انڈیز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 125 رنز بنائے۔
کپتان ہیلے میتھیوز نے 30 اور دیاندرا ڈوٹن نے 26 رنز بنائے۔
ایشلے گارڈنر، جارجیا ویئرہام اور سوفیا مولینکس نے دو، دو کھلاڑیوں کو آؤٹ کیا۔
جواب میں آسٹریلیا نے 126 رنز کا ہدف 2 وکٹوں کے نقصان پر صرف 13 اوورز میں حاصل کر لیا۔
بیتھ مونی نے 61 رنز کی ناقابل شکست اننگز کھیلی، اُس کے علاوہ ایشلے گارڈنر نے بھی 35 رنز اسکور کئے۔
Comments