قرضوں کی ادائیگی پر بجٹ کا 43 فیصد خرچ ہونے کی توقع

پاکستان کی جانب سے مالی سال 2026-27 میں قرضوں کی ادائیگی (بشمول سود اور اصل زر کی واپسی) پر تقریباً 8.054 ٹریلین روپے خرچ کیے جانے کی توقع ہے جو کہ 18.771 ٹریلین روپے کے کل بجٹ کا 42.9 فیصد بنتا ہے۔

حکومت نے مالی سال 2026-27 کے بجٹ میں 8.054 کھرب روپے مختص کیے ہیں، جبکہ رواں مالی سال کے لیے یہ رقم 8.207 کھرب روپے رکھی گئی تھی، جسے بعد میں نظرثانی کے بعد کم کر کے 6.937 کھرب روپے کر دیا گیا۔

مالی سال 2026-27 کے دوران ملک غیر ملکی قرضوں کی ادائیگی پر 1.071 ٹریلین روپے خرچ کرے گا جبکہ موجودہ مالی سال کے لیے یہ بجٹ 1.009 ٹریلین روپے تھا جس پر نظر ثانی کے بعد اسے کم کر کے 930.918 ارب روپے کردیا گیا تھا۔

مقامی قرضوں کی ادائیگی پر حکومت مالی سال 2026-27 میں 6.982 ٹریلین روپے خرچ کرے گی جبکہ 2025-26 میں یہ رقم 7.197 ٹریلین روپے تھی جسے بعد میں نظر ثانی کے بعد 6.006 ٹریلین روپے کر دیا گیا تھا۔

پاکستان کا کل پبلک قرضہ مارچ 2026 کے اختتام تک 83,285 ارب روپے ریکارڈ کیا گیا جس میں موجودہ مالی سال کے پہلے نو مہینوں کے دوران 2,767 ارب روپے (تقریباً 3.4 فیصد) کا اضافہ ہوا ہے کیونکہ 30 جون 2025 کو یہ قرضہ 80,518 ارب روپے تھا۔

کاپی رائٹ بزنس ریکارڈر 2026