ناتھن الیس کی بہترین باؤلنگ، آسٹریلیا نے پاکستان کو حیران کن شکست دے کر ون ڈے سیریز برابر کر دی

فاسٹ باؤلنگ آل راؤنڈر ناتھن الیس کی کیریئر کی بہترین باؤلنگ کی بدولت آسٹریلیا نے دوسرے ون ڈے میچ میں پاکستان کو 41 رنز سے شکست دے کر تین میچوں کی سیریز 1-1 سے برابر کر دی۔

لاہور میں کھیلے گئے میچ میں آسٹریلیا نے پہلے بیٹنگ کرتے ہوئے جوش انگلس (51) اور کیمرون گرین (53) کی نصف سنچریوں کی بدولت 9 وکٹوں پر 231 رنز بنائے۔ شاہین آفریدی نے میچ کی پہلی ہی گیند پر وکٹ حاصل کی جبکہ ابرار احمد اور عرفات منہاس نے بھی دو دو کھلاڑیوں کو آؤٹ کیا۔ جواب میں ناتھن الیس کی تباہ کن باؤلنگ (33 رنز عوض 4 وکٹیں) کے سامنے پاکستان کی پوری ٹیم 44 اوورز میں 190 رنز پر ڈھیر ہو گئی۔ نائب کپتان شاداب خان نے 71 رنز کی مزاحمتی اننگز کھیلی لیکن وہ ٹیم کو جیت نہ دلا سکے۔ پارٹ ٹائم اسپنر میتھیو شارٹ نے بھی 3 وکٹیں حاصل کیں۔ سیریز کا فیصلہ کن میچ جمعرات کو لاہور میں کھیلا جائے گا۔