BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
مارکٹس

تیل کی قیمتیں گر گئیں، مارکیٹ ممکنہ امریکا ایران جنگ بندی معاہدے کا منتظر

  • جولائی کے لیے برینٹ کروڈ فیوچرز، جن کی مدت آج ختم ہو رہی ہے، 1.66 ڈالر یا 1.77 فیصد کمی کے بعد 92.05 ڈالر فی بیرل پر آ گئے
شائع اپ ڈیٹ

تیل کی قیمتوں میں جمعہ کے روز تقریباً 2 فیصد کمی دیکھی گئی اور قیمتیں اپریل کے آغاز کے بعد اپنی سب سے بڑی ہفتہ وار گراوٹ کی جانب بڑھتی نظر آئیں، کیونکہ اطلاعات سامنے آئیں کہ امریکا اور ایران ممکنہ جنگ بندی میں توسیع کے معاہدے پر پہنچ گئے ہیں۔

جولائی کے لیے برینٹ کروڈ فیوچرز، جن کی مدت آج ختم ہو رہی ہے، گرین وچ وقت کے مطابق 10 بج کر 59 منٹ پر 1.66 ڈالر یا 1.77 فیصد کمی کے بعد 92.05 ڈالر فی بیرل پر آ گئے۔ زیادہ فعال اگست کنٹریکٹ 1.63 ڈالر یا 1.76 فیصد کمی کے بعد 91.07 ڈالر پر ٹریڈ ہوا، جبکہ امریکی ویسٹ ٹیکساس انٹرمیڈیٹ ( ڈبلیو ٹی آئی ) خام تیل کے فیوچرز 1.55 ڈالر یا 1.74 فیصد کمی کے ساتھ 87.35 ڈالر فی بیرل پر آ گئے۔

اس ہفتے برینٹ خام تیل کی قیمتوں میں تقریباً 11 فیصد کمی ہوئی، جو 6 اپریل کو ختم ہونے والے ہفتے کے بعد سب سے بڑی ہفتہ وار گراوٹ ہے۔ دوسری جانب ڈبلیو ٹی آئی میں تقریباً 10 فیصد کمی ریکارڈ کی گئی، جو 13 اپریل کو ختم ہونے والے ہفتے کے بعد سب سے بڑا ہفتہ وار نقصان ہے۔

یو بی ایس کے تجزیہ کار جیووانی اسٹاؤنووو کے مطابق، ’’آبنائے ہرمز سے تیل کی ترسیل اب بھی محدود ہے اور تیل کے ذخائر میں مسلسل کمی آ رہی ہے، تاہم مارکیٹ کی توجہ امریکا اور ایران کے درمیان ممکنہ معاہدے پر مرکوز ہے۔‘‘

انہوں نے مزید کہا کہ قیمتوں میں کمی بعض سرمایہ کاروں کو اپنی لانگ پوزیشنز بند کرنے پر مجبور کر رہی ہے۔

خبر رساں ادارے رائٹرز کے مطابق امریکا اور ایران جمعرات کے روز جنگ بندی میں توسیع اور آبنائے ہرمز کے ذریعے جہاز رانی پر عائد پابندیاں ختم کرنے کے معاہدے پر پہنچ گئے ہیں، تاہم امریکی صدر ڈونلڈ ٹرمپ نے تاحال اس کی منظوری نہیں دی، جبکہ ایرانی سرکاری میڈیا کا کہنا ہے کہ معاہدہ ابھی حتمی شکل اختیار نہیں کر سکا۔

حالیہ سیشنز میں تیل کی قیمتوں میں شدید اتار چڑھاؤ دیکھا گیا اور دونوں عالمی معیاروں میں 6 ڈالر تک کا فرق آیا، کیونکہ ایران جنگ کے ممکنہ خاتمے اور آبنائے ہرمز کی دوبارہ بحالی سے متعلق متضاد اشارے سامنے آتے رہے۔ آبنائے ہرمز اس سے قبل دنیا کی تقریباً پانچویں حصے کے تیل اور مائع قدرتی گیس کی ترسیل کا اہم راستہ تھی۔

اس بحری گزرگاہ سے جہازوں کی آمدورفت اب بھی تنازع سے پہلے کی سطح کے مقابلے میں بہت کم ہے۔ آئی این جی کے تجزیہ کاروں کے مطابق راستہ کھلنے سے تیل کی منڈی کو فوری ریلیف مل سکتا ہے، تاہم مکمل بحالی اب بھی غیر یقینی ہے۔

مشرق وسطیٰ کے تیل پر زیادہ انحصار کرنے والے جاپان میں گزشتہ ماہ خام تیل کی درآمدات میں اپریل گزشتہ سال کے مقابلے میں 66 فیصد کمی ریکارڈ کی گئی۔

کومرزبینک نے اپنی پیش گوئی میں برینٹ خام تیل کی قیمت ستمبر کے اختتام تک 90 ڈالر فی بیرل اور سال کے اختتام تک 85 ڈالر فی بیرل رہنے کا امکان ظاہر کیا ہے۔ یہ تخمینہ اس بنیاد پر قائم ہے کہ آبنائے ہرمز مزید دو ماہ تک معمول کی جہاز رانی کے لیے بند رہ سکتی ہے۔

دوسری جانب امریکی انرجی انفارمیشن ایڈمنسٹریشن کے مطابق گزشتہ ہفتے امریکا میں خام تیل، پیٹرول اور ڈسٹلیٹ ایندھن کے ذخائر میں کمی آئی، کیونکہ ریفائنریز اور صارفین کی طلب میں اضافہ ہوا، جبکہ برآمدات 11 لاکھ 60 ہزار بیرل یومیہ کمی کے بعد 44 لاکھ بیرل یومیہ رہ گئیں۔

Comments

200 حروف