سروس لانگ مارچ ٹائرز کا سندھ میں 8 کروڑ ڈالر کی لاگت سے مینوفیکچرنگ پلانٹ لگانے کا اعلان
سروس لانگ مارچ ٹائرز نے سندھ میں 8 کروڑ ڈالر کی لاگت سے مینوفیکچرنگ پلانٹ لگانے کا اعلان کردیا۔
سروس لانگ مارچ ٹائرز لمیٹڈ (ایس ایل ایم) جو کہ پاک چین مشترکہ منصوبہ ہے نے سندھ کے علاقے نوری آباد میں پیسنجر کار ریڈیل (پی سی آر) ٹائر بنانے کے یونٹس قائم کرنے کیلئے 8 کروڑ (80 ملین) ڈالر کی سرمایہ کاری کی منظوری دے دی ہے۔
سروس انڈسٹریز لمیٹڈ کی ایسوسی ایٹ کمپنی ایس ایل ایم نے پیر کو اسٹاک ایکسچینج کو بھیجے گئے ایک نوٹس میں اس پیشرفت سے آگاہ کیا۔
کمپنی کے مطابق نیا منصوبہ مقامی طلب پوری کرنے کے ساتھ برآمدی منڈیوں کو بھی ہدف بنائے گا۔
گزشتہ سال ایس ایل ایم نے انیشل پبلک آفرنگ (آئی پی او) کے ذریعے سرمایہ اکٹھا کرنے اور اسٹاک ایکسچینج میں لسٹنگ حاصل کرنے کے اپنے منصوبوں کا اعلان کیا تھا۔
ہمیں یہ بتاتے ہوئے خوشی ہورہی ہے کہ سروس لانگ مارچ ٹائرز (پرائیویٹ) لمیٹڈ (ایس ایل ایم) نے آئی پی او کے ذریعے سرمایہ اکٹھا کرنے اور اس کے مطابق اسٹاک ایکسچینج لمیٹڈ میں لسٹنگ حاصل کرنے کا فیصلہ کیا ہے۔
ایس ایل ایم پاکستان میں آل اسٹیل ریڈیل ٹرک اور بس (ٹی بی آر) ٹائر تیار کرنے والی کمپنی ہے جسے پاکستان کے سروس گروپ اور چین کے چاؤیانگ لانگ مارچ کے درمیان مشترکہ منصوبے (جے وی) کے تحت قائم کیا گیا ہے۔
سروس انڈسٹریز لمیٹڈ اور اس کی ذیلی کمپنی، سروس گلوبل فٹ ویئر لمیٹڈ ایس ایل ایم میں بالترتیب 32.09 فیصد اور 18.91 فیصد کے حصص رکھتے ہیں۔
Comments
Comments are closed.