ایس ای سی پی نے نئے کمشنرز کو اہم قلمدان سونپ دیے
- چیئرمین ڈاکٹر کبیر سدھو اور نئے کمشنرز کے درمیان اسٹاک مارکیٹ، انشورنس، آئی ٹی اور اینٹی منی لانڈرنگ سمیت اہم شعبوں کی تقسیم مکمل
سیکیورٹیز اینڈ ایکسچینج کمیشن آف پاکستان (ایس ای سی پی) نے اپنے نئے تعینات کمشنرز کے درمیان قلمدانوں (پورٹ فولیوز) کی تقسیم کو حتمی شکل دے دی ہے۔
سرکاری ذرائع کے مطابق فیصلہ کن طور پر انتہائی اہم اسٹاک مارکیٹ ڈویژن کی ذمہ داری کمشنر محمد علی فرید خواجہ کو سونپی گئی ہے جبکہ ایس ای سی پی کے چیئرمین ڈاکٹر کبیر احمد سدھو بذاتِ خود سپورٹ سروسز ڈویژن، چیئرمین سیکرٹریٹ اور کمیشن سیکرٹریٹ کی نگرانی کریں گے۔
دوسری جانب کمشنر ذیشان رحمان خٹک کو وسیع اور کلیدی قلمدان دیا گیا ہے، جس میں اسپیشلائزڈ کمپنیز ڈویژن، انویسٹر ایجوکیشن اینڈ کمپلینٹس ڈیپارٹمنٹ، انفارمیشن سسٹم اینڈ ٹیکنالوجی، سپروائزن ڈویژن اور اینٹی منی لانڈرنگ ڈیپارٹمنٹ شامل ہیں۔
کمشنر مظفر احمد مرزا لائسنسنگ اینڈ رجسٹریشن ڈویژن، پراسیکیوشن اینڈ لیگل افیئرز ڈویژن، ایڈجوڈیکیشن ڈویژن اور انشورنس ڈویژن کی نگرانی کریں گے۔
کاپی رائٹ بزنس ریکارڈر2026
Comments
Comments are closed.