پی سی بی نے دو نئی پی ایس ایل فرنچائز ٹیموں کیلئے 10 بولی دہندگان کو شارٹ لسٹ کر دیا

پاکستان کرکٹ بورڈ (پی سی بی) کی بولی کمیٹی نے دو نئی ایچ بی ایل پی ایس ایل فرنچائز ٹیموں کی فروخت کے لیے موصول ہونے والی تجاویز کی تکنیکی جانچ کامیابی سے مکمل کر لی ہے۔

مقررہ وقت کے اندر دنیا بھر سے کل 12 تجاویز موصول ہوئیں، جن کا پی سی بی کی بولی کمیٹی نے گزشتہ تین دنوں میں بغور جائزہ لیا۔

شفاف اور جامع تکنیکی جانچ کے بعد پی سی بی بولی کمیٹی نے 10 بولی دہندگان کو اہل قرار دیا جو تکنیکی معیار پر پورا اترے اور اب وہ دوسرے مرحلے میں شامل ہوں گے۔

یہ 10 اہل بولی دہندگان آئندہ جمعرات (8 جنوری 2026) کو اسلام آباد کے جناح کنونشن سینٹر میں ہونے والی نیلامی میں حصہ لیں گے، جہاں دو نئے ایچ بی ایل پی ایس ایل ٹیموں کے فرنچائز حقوق کے لیے بولیاں لگائی جائیں گی۔

نیلامی میں کامیاب بولی دہندگان کو مندرجہ ذیل شہروں میں سے اپنی فرنچائز ٹیم کے نام منتخب کرنے کا حق حاصل ہوگا جن میں راولپنڈی، حیدرآباد، فیصل آباد، گلگت، مظفرآباد اور سیالکوٹ شامل ہیں۔

ایچ بی ایل پی ایس ایل کے سی ای او سلمان نصیر نے کہا تمام اہل بولی دہندگان کو مبارکباد پیش اور مقامی و بین الاقوامی سرمایہ کاروں کی جانب سے گہری دلچسپی کی قدر کرتا ہیں۔

انہوں نے مزید کہا کہ جو دلچسپی رکھنے والے فریقین مقررہ وقت تک تجاویز جمع نہ کرا سکے، ہم ان کے جوش و جذبے کا شکریہ ادا کرتے ہیں اور دیگر مواقع تلاش کرنے کے منتظر ہیں۔ لیگ کو امید ہے کہ اس نیلامی کے ذریعے پی ایس ایل کی توسیع اور ارتقاء میں ایک اور اہم سنگ میل حاصل ہوگا۔