سندھ حکومت نے پیر کو اعلان کیا کہ کراچی کے لیے ڈبل ڈیکر بسیں بندرگاہ پہنچ چکی ہیں اور جلد ہی عوامی سروس کے لیے سڑکوں پر روانہ کی جائیں گی۔
سینئر وزیر اور صوبائی وزیرِ ٹرانسپورٹ شرجیل انعام میمن نے ایک ٹوئٹ میں کہا کہ سندھ حکومت کے محکمۂ ٹرانسپورٹ کی جانب سے یہ بسیں جلد ہی کراچی کے شہریوں کے لیے دستیاب ہوں گی۔
حکومت نے نومبر میں بھی اعلان کیا تھا کہ ڈبل ڈیکر اور نئی الیکٹرک بسیں جلد کراچی کی سڑکوں پر چلائی جائیں گی۔
شرجیل میمن نے مزید بتایا کہ دسمبر تک ای وی ٹیکسی سروس شروع کی جائے گی اور موجودہ مالی سال کے دوران مزید 500 بسیں سروس میں شامل کی جائیں گی۔
انہوں نے کہا کہ دیگر اضلاع میں نئی پیپلز بس سروس کے روٹس بھی جلد فعال کیے جائیں گے، تاکہ عوامی ٹرانسپورٹ کی سہولت میں مزید بہتری لائی جا سکے۔
Comments
Comments are closed.