پوپ کی یورپ و امریکہ میں مسلمان مخالف جذبات پر تنقید

پوپ لیو چہاردہم نے منگل کو مہاجرین مخالف سرگرمیوں پر تنقید کی اور کہا کہ اسلام کے حوالے سے پھیلائی جانے والی “خوف کی فضا” غلط ہے۔ انہوں نے لبنان میں مسیحیوں اور مسلمانوں کے درمیان تعاون کو یورپ اور امریکہ کے لیے ایک مثال قرار دیا۔

70 سالہ پوپ نے ترک اور لبنانی دورے کے اختتام پر طیارے میں صحافیوں سے گفتگو کی۔ یہ دورہ ان کا اٹلی کے باہر پہلا سفر تھا جب سے وہ مئی میں دنیا کے 1.4 ارب کیتھولک عیسائیوں کے سربراہ بنے ہیں۔

پوپ لیو نے کہا کہ مسلمانوں کے خلاف جذبات اکثر ان لوگوں کی جانب سے پیدا کیے جاتے ہیں جو ہجرت کے مخالف ہیں اور چاہتے ہیں کہ دوسرے ملک، مذہب یا نسل سے تعلق رکھنے والے لوگ اندر نہ آئیں۔

انہوں نے کہا کہ لبنان کا یہ دورہ یہ دکھانے کے لیے تھا کہ مسلمانوں اور مسیحیوں کے درمیان مکالمہ اور دوستی ممکن ہے۔

پوپ لیو نے دورے کے دوران سنی کہ مسیحی اور مسلمان ایک دوسرے کی مدد کر رہے ہیں، اور کہا کہ یہ کہانیاں سبق آموز ہیں… اور ہمیں شاید تھوڑا کم خوفزدہ ہونا چاہیے۔