فوڈ ایگ فیئر نے پاکستانی فوڈ و ایگریکلچر صلاحیتوں کو نمایاں کر دیا ، ایف پی سی سی آئی
- نمائش میں عالمی وفود کی شرکت ملکی تجارت اور سرمایہ کاری پر بڑھتے اعتماد کا ثبوت ہے ، وفاقی وزیر جام کمال
کراچی میں فوڈ ایگ 2025 کے موقع پر ایف پی سی سی آئی کے صدر عاطف اکرم شیخ نے کہا ہے کہ یہ ایونٹ پاکستان کے فوڈ اور ایگریکلچر سیکٹر کی بے پناہ صلاحیت کو ظاہر کرتا ہے۔
سرمایہ کاری کی آزاد پالیسیوں، صنعت کے لیے مسابقتی ٹیرف اور سِفک کے فعال کردار نے پاکستان کو غیر ملکی سرمایہ کاروں کے لیے پرکشش ملک بنا دیا ہے، انہیں یقین ہے کہ ایف پی سی سی آئی کے معاہدے اور بی ٹو بی ملاقاتیں جلد خاطر خواہ تجارت اور سرمایہ کاری میں بدلیں گی۔
افتتاح وفاقی وزیر تجارت جام کمال اور قطر، ایف پی سی سی آئی، ٹڈاپ کے عہدیداروں نے کیا۔
اس موقع پر انہوں نے کہا کہ فوڈ اور ایگریکلچر شعبوں میں پاکستان کے پاس خطے میں نمایاں ترقی کی گنجائش موجود ہے۔
جام کمال نے زور دیا کہ بین الاقوامی وفود کی شرکت پاکستان کی تجارت اور سرمایہ کاری پر بڑھتے اعتماد کا واضح ثبوت ہے۔
سینئر نائب صدر شکیب فیاض مگوں نے کہا کہ اٹلی، ویتنام، برطانیہ اور دیگر ممالک کی اعلیٰ سطح پر شرکت پاکستان کی بہتر ہوتی معاشی فضا اور ایس آئی ایف سی کی سرمایہ کار دوست پالیسیوں کا ثبوت ہے۔
ایونٹ کے پہلے دن اٹلی اور ویتنام کے وفود نے ایف پی سی سی آئی حکام سے ملاقاتیں کیں، جن میں فوڈ ٹریڈ، سرمایہ کاری اور ای وی سیکٹر میں تعاون کے مواقع پر بات ہوئی۔
Comments
Comments are closed.