ٹرمپ کا جنوبی افریقہ کو 2026 کے جی 20 اجلاس مین دعوت نہ دینے کا اعلان

امریکی صدر ڈونلڈ ٹرمپ نے کہا ہے کہ جنوبی افریقہ کو اگلے سال فلوریڈا میں ہونے والی جی 20 سمٹ میں حصہ لینے کی دعوت نہیں دی جائے گی، یاد رہے کہ واشنگٹن نے گزشتہ ہفتے جوہانسبرگ میں ہونے والے رہنماؤں کے اجلاس کا بائیکاٹ کیا، جسے افریقی ملک نے اپنے خلاف اقدام قرار دیا۔

ٹرمپ نے کہا کہ جی 20 کے اختتام پر جنوبی افریقہ نے امریکی سفارتخانے کے سینئر نمائندے کو صدراتی صدارت منتقل کرنے سے انکار کیا، جو اختتامی تقریب میں شریک تھے۔ انہوں نے سوشل میڈیا پوسٹ میں لکھا کہ لہذا میری ہدایت کے مطابق، جنوبی افریقہ کو 2026 کی جی 20 میں دعوت نہیں دی جائے گی، جو اگلے سال میامی، فلوریڈا میں ہوگا۔

جنوبی افریقہ کے صدر سیرل راما فوسا کے دفتر نے ٹرمپ کے بیان کو افسوسناک قرار دیا اور کہا کہ چونکہ امریکی وفد اجلاس میں موجود نہیں تھا، اس لیے جی 20 کی صدارت کی دستاویزات جنوبی افریقہ کے بین الاقوامی تعلقات اور تعاون کے محکمے کے ہیڈ کوارٹر میں امریکی سفارتخانے کے اہلکار کے حوالے کی گئیں۔

صدر راما فوسا کے دفتر نے مزید کہا کہ ٹرمپ اپنی انتظامیہ کے آغاز کے بعد سے جنوبی افریقہ کی حکومت کی داخلی اور خارجی پالیسیوں پر تنقید کر رہے ہیں اور غلط معلومات کی بنیاد پر سخت اقدام کر رہے ہیں۔

ٹرمپ نے الزام لگایا ہے کہ جنوبی افریقہ کی اکثریتی سیاہ فام حکومت سفید اقلیت کا ظلم کر رہی ہے اور وہاں سفید فام کسانوں کے خلاف نسل کشی ہوئی، جو دعوے وسیع پیمانے پر رد کر دیے گئے ہیں۔

ٹرمپ نے اعلان کیا کہ ان کی انتظامیہ فوری طور پر جنوبی افریقہ کو تمام مالی ادائیگیاں اور سبسڈیز روک دے گی۔ انہوں نے فروری میں ایک ایگزیکٹو آرڈر پر دستخط کیے تھے جس میں جنوبی افریقہ کے زمین کے پالیسی اور عالمی عدالت انصاف میں اسرائیل کے خلاف کیس کی وجہ سے مالی امداد کم کرنے کا ذکر تھا۔