پاک قطر کی مستحکم کارکردگی ، ماہانہ منافع کا اعلان

پاک قطر ایسٹ مینجمنٹ کمپنی لمیٹڈ (پی کیو اے ایم سی) جو پاکستان کی معروف اسلامی اثاثہ جاتی منیجمنٹ کمپنی اور پاک قطر گروپ کا حصہ ہے نے اکتوبر 2025 کے لیے پاک قطر منتھلی انکم پلان (پی کیو ایم آئی پی ) کے تحت ماہانہ منافع کا اعلان کیا ہے۔

یہ پلان پی کیو اے ایم سی کے شریعت کے مطابق انکم فنڈ کے تحت چلایا جاتا ہے اور اپنی کیٹیگری میں نمایاں منافع دینے والے منصوبوں میں شمار ہوتا ہے۔

کمپنی نے اکتوبر 2025 کے لیے فی یونٹ 0.6900 روپے منافع کا اعلان کیا ہے جو 28 اکتوبر تک حاصل ہونے والی آمدنی کی بنیاد پر دیا جائے گا۔

حال ہی میں پاکستان کریڈٹ ریٹنگ ایجنسی (پی اے سی آر اے) نے پی کیو اے ایم سی کی ریٹنگ بہتر کرتے ہوئے اسے اے ایم 2 درجہ اور مثبت آؤٹ لک دیا ہے۔

پاک قطر ایسٹ مینجمنٹ کمپنی کے چیف ایگزیکٹو آفیسر فرحان شوکت نے بورڈ آف ڈائریکٹرز کی جانب سے دیے گئے اختیارات کے تحت منافع کی تقسیم کی منظوری دی۔

انہوں نے کہا کہ یونٹ ہولڈرز کے لیے منافع کا اعلان کمپنی کی مضبوط سرمایہ کاری ، حکمتِ عملی اور پائیدار کارکردگی کا ثبوت ہے۔

ان کا کہنا تھا کہ حالیہ ریٹنگ میں بہتری سرمایہ کاروں کے اعتماد اور کمپنی کے مستحکم مالی نظم کی عکاسی کرتی ہے۔

پاک قطر گروپ نے شریعت کے مطابق جدید سرمایہ کاری حل اور پائیدار مالی ترقی کے ذریعے ملکی معیشت کے استحکام میں اپنا کردار ادا کرنے کے عزم کا اعادہ کیا۔

کمپنی کے مطابق اسٹیک ہولڈرز پاک قطر منتھلی انکم پلان کی کارکردگی میوچل فنڈز ایسوسی ایشن آف پاکستان (ایم یو ایف اے پی ) کی ویب سائٹ پر ملاحظہ کر سکتے ہیں۔

بزنس ریکارڈر 2025