چھوٹے اور درمیانے کاروبار سائبر حملوں کی زد میں آگئے

پاکستان میں چھوٹے اور درمیانے کاروبار جدید اور پیچیدہ سائبر حملوں کے بڑھتے ہوئے خطرات سے دوچار ہیں، جن کے خلاف فوری حفاظتی اقدامات ناگزیر ہو گئے ہیں۔ یہ بات معروف عالمی سائبر سیکیورٹی کمپنی نے اپنی تازہ رپورٹ میں جمعرات کو کہی۔

رپورٹ کے مطابق درمیانے درجے کے کاروبار جدید حملوں کا شکار ہو رہے ہیں جو جائز ٹولز کا ناجائز استعمال کرتے ہوئے مختلف حربے استعمال کرتے ہیں ،تاکہ شناخت سے بچ سکیں، تاہم محدود مالی وسائل اور ماہر عملے کی کمی نے ان کاروباروں کے لیے جدید حفاظتی نظام کو نافذ کرنا اور اس کا انتظام کرنا مشکل بنا دیا ہے۔

ایسی صورت حال میں کمپنی نے اپنے فلیگ شپ پروڈکٹ لائن کیسپرسکی نیکسٹ کے تحت دو جدید اور موثر حل متعارف کرائے ہیں، کیسپرسکی نیکسٹ ایکس ڈی آر آپٹیمم اور کیسپرسکی نیکسٹ ایم ایکس ڈی آر آپٹیمم جو کاروباروں کو کم لاگت اور آسانی سے اپنی سیکورٹی مضبوط کرنے کی سہولت دیتے ہیں۔

یہ مصنوعات جدید ٹیکنالوجی کے ذریعے طاقتور تحفظ، خودکار ردعمل اور منظم سیکورٹی خدمات فراہم کرتی ہیں، جس سے ادارے اپنے محدود وسائل کے باوجود جدید سائبر خطرات کا مؤثر مقابلہ کر سکتے ہیں اور مالی نقصانات سے بچ سکتے ہیں۔

رپورٹ میں مزید بتایا گیا ہے کہ کیسپرسکی نیکسٹ ایکس ڈی آر آپٹیمم خاص طور پر ان چھوٹے اور درمیانے درجے کے کاروبار کے لیے تیار کیا گیا ہے جن کے پاس مستحکم آئی ٹی انفرااسٹرکچر اور معتدل سائبر سیکیورٹی بجٹ ہوتا ہے۔ یہ حل جامع اور مؤثر حفاظتی انتظامات فراہم کرتا ہے، جس کی بنیاد جدید مصنوعی ذہانت اور عالمی سطح کی مہارت پر ہے۔

مزید یہ کہ یہ سسٹم جدید اور پوشیدہ خطرات کی نشاندہی، تجزیہ اور تدارک میں ماہر ہے اور کلاؤڈ یا آن پرمیسس دونوں ماحول میں لچکدار تنصیب کے اختیارات مہیا کرتا ہے، جو کاروباری استحکام اور مسابقت میں اضافہ کا باعث بنتے ہیں۔