نائب وزیراعظم و وزیر خارجہ سینیٹر محمد اسحاق ڈار نے پیر کے روز امریکی وزیر خارجہ مارکو روبیو سے ٹیلیفون پر بات چیت کی، جس میں دو طرفہ اور علاقائی امور پر تبادلہ خیال کیا گیا۔
دفتر خارجہ کے ترجمان کے مطابق، دونوں رہنماؤں نے باہمی دلچسپی کے شعبوں میں تعاون جاری رکھنے اور رابطے میں رہنے پر اتفاق کیا۔ گفتگو کے دوران دو طرفہ معاملات کے ساتھ ساتھ موجودہ علاقائی اور بین الاقوامی حالات پر بھی تبادلہ خیال کیا گیا۔
یہ ٹیلیفونک رابطہ ان دوطرفہ روابط کے سلسلے کی کڑی ہے جو حالیہ مہینوں کے دوران پاکستان اور امریکہ کے درمیان قائم ہوئے ہیں۔
اسحاق ڈار نے اپنے حالیہ دورۂ امریکہ کے دوران امریکی حکام سے اہم ملاقاتیں کیں، جن میں وزیر خارجہ مارکو روبیو سے ملاقات بھی شامل تھی۔
کاپی رائٹ بزنس ریکارڈر، 2025
Comments
Comments are closed.