فلسطینی ریاست کو قیام سے قبل تسلیم کرنا نقصان دہ ہو سکتا ہے، اطالوی وزیرِاعظم

اٹلی کی وزیرِاعظم جارجیا میلونی نے کہا ہے کہ ریاستِ فلسطین کو اس کے باقاعدہ قیام سے قبل تسلیم کرنا مسئلے کے حل کی راہ میں رکاوٹ بن سکتا ہے اور یہ طرزِ عمل الٹا نقصان دہ ثابت ہو سکتا ہے۔

ہفتے کو اطالوی روزنامہ لا ریپوبلیکا کو دیے گئے انٹرویو میں میلونی نے کہا کہ میں ریاستِ فلسطین کے قیام کی بھرپور حامی ہوں، لیکن اس کے قیام سے پہلے اسے تسلیم کرنے کے حق میں نہیں ہوں۔

انہوں نے واضح کیا کہ اگر کسی ایسی چیز کو کاغذ پر تسلیم کر لیا جائے جو حقیقت میں موجود ہی نہ ہو، تو یہ تاثر پیدا ہو سکتا ہے کہ مسئلہ حل ہو چکا ہے، حالانکہ وہ درحقیقت بدستور موجود ہوتا ہے۔

اقوامِ متحدہ کی جنرل اسمبلی میں ستمبر کے اجلاس کے دوران فلسطینی ریاست کو تسلیم کرنے کے فرانس کے فیصلے پر، اسرائیل اور امریکا کی جانب سے شدید مذمت کی گئی جو کہ غزہ میں اسرائیل اور حماس کے درمیان جاری جنگ کے دوران سامنے آیا۔

یاد رہے کہ ستمبر میں اقوامِ متحدہ کی جنرل اسمبلی میں فلسطینی ریاست کو تسلیم کرنے کے فرانس کے فیصلے پر اسرائیل اور امریکا نے سخت ردِعمل دیا تھا۔ یہ پیش رفت اس وقت سامنے آئی تھی جب غزہ میں اسرائیل اور حماس کے درمیان شدید جنگ جاری ہے۔

ادھر اٹلی کے وزیرِ خارجہ نے بھی جمعہ کو بیان دیا تھا کہ فلسطینی ریاست کی تسلیم شدگی اُس وقت ہی ہونی چاہیے جب نئی فلسطینی قیادت اسرائیل کو بھی تسلیم کرے۔