پٹرولیم لیوی، دو ماہ کے مواقعے ضائع

وزیر اعظم نے عوام کو یوم آزادی کا تحفہ دیا، پیٹرولیم کی قیمتوں میں نظرثانی کو 48 گھنٹے کے لیے موخر کر دیا۔ یہ آسان تھا کیونکہ اوگرا نے پچھلے پندرہ دنوں کے مقابلے میں پیٹرول اور ڈیزل کی قیمتوں میں 3 فیصد کمی کی تھی۔ موجودہ پندرہ دنوں کے لیے پیٹرول کی قیمت درحقیقت گزشتہ 16 ماہ میں دوسری سب سے کم سطح ہے۔ گزشتہ 12 مہینوں کی اوسط کے حساب سے – پیٹرول کی قیمت گزشتہ 23 بار مقرر کی گئی قمیتوں میں سب سے کم ہے۔

اتفاق سے، جب سے پیٹرولیم لیوی (پی ایل) کو زیادہ سے زیادہ 60 روپے فی لیٹر کیا گیا ہے تب سے 23 بات پٹرول کی قیمتیں تبدیل کی جا چکی ہیں ، کیونکہ اس وقت کے آئی ایم ایف پروگرام میں پی ایل کو مرحلہ وار بڑھانے کی ضرورت تھی۔ اس وقت اور اب کے درمیان جو تبدیلی آئی ہے وہ پی ایل پر زیادہ سے زیادہ اجازت شدہ حد ہے، جو اب ایچ ایس ڈی اور پیٹرول دونوں پر 70 روپے فی لیٹر ہے، جو 12 جون 2024 کو اعلان کردہ 80 روپے فی لیٹر سے کم ہے۔ لیکن حکومت نے گزشتہ چار بار قیمتیں طے کرتے وقت، نئی اجازت شدہ حد کے نافذ ہونے کے بعد، موجودہ 60 روپے فی لیٹر سے پی ایل بڑھانے سے گریز کیا ہے، جو کہ 12 ماہ سے نافذ العمل ہے۔

یہ اہم ہے کیونکہ وفاقی حکومت نے پی ایل سے پچھلے سال کے 869 ارب روپے سے 47 فیصد زیادہ اور متوقع 960 ارب روپے سے 33 فیصد زیادہ ریونیو کا بجٹ بنایا ہے۔ مالی سال 25 کے آخر میں بجٹ شدہ 1.289 ٹریلین روپے کا ہدف پورا کرنے کے لیے، پیٹرول اور ایچ ایس ڈی کی مشترکہ فروخت کو سالانہ 34 فیصد بڑھانا پڑے گا۔ یہ پہلے کبھی نہیں ہوا، اور تقریباً یقینی طور پر موجودہ حالات میں نہیں ہوگا، جہاں پچھلے سال کی کم ترین سطح کو حاصل کرنا بھی کسی کارنامے سے کم نہیں لگتا۔ پس منظر کے لیے، مالی سال 18 میں پیٹرول اور ایچ ایس ڈی کی مشترکہ سالانہ فروخت سب سے زیادہ 18.3 بلین لیٹر تھی – یعنی مالی سال 25 کی طلب کو تمام مدت کی بلند ترین سطح سے 19 فیصد زیادہ بڑھانا پڑے گا۔

دوسرا راستہ یہ ہے کہ زیادہ سے زیادہ اجازت شدہ حد 70 روپے فی لیٹر پر پی ایل لگائی جائے - جو ہدف حاصل کرنے میں مدد دے گا اگر پی ایل 70 روپے فی لیٹر پر پورے سال کے دوران عائد کی گئی، اور پچھلے سال کی نسبت پیٹرول اور ایچ ایس ڈی کی مشترکہ طلب 14 فیصد بڑھ جائے۔ 60 روپے فی لیٹر پر دو ماہ کا پی ایل پہلے ہی گزشتہ سال کی طرح کی طلب فرض کی جائے تو تقریباً 30 ارب روپے کی آمدنی ضائع کر چکا ہے۔

ایسا لگتا ہے کہ حکومت آئی ایم ایف پروگرام کی شرائط اور ساختی اہداف پر نئے پروگرام کے لیے متفق ہونے سے پہلے وقت گزار رہی ہے۔ اس بار پی ایل کا ریونیو ہدف تقریباً یقینی طور پر پورا نہیں ہوگا، اور امکان ہے کہ پی ایس ڈی پی پر کٹ لگے گا، جسے دو ماہ سے بھی کم عرصے میں پہلے ہی کم کیا جا چکا ہے، کیونکہ پاور سیکٹر کی سبسڈی فراہم کی جانی تھی۔