ملائیشیا کے سابق وزیر اعظم مہاتیر محمد کے معاون نے خبر رساں ادارے اے ایف پی کو بتایا ہے کہ انہیں مسلسل کھانسی کی وجہ سے اسپتال میں داخل کرایا گیا ہے۔
صوفی یوسف کا کہنا تھا کہ مہاتیر محمد کا آئندہ چند روز تک علاج متوقع ہے۔
دو بار وزیر اعظم رہنے والے مہاتیر محمد گزشتہ ہفتے 99 برس کے ہو گئےہیں۔
وہ حالیہ برسوں میں دل کے کئی مسائل کا شکار ہوئے ہیں اور بائی پاس سرجری سے گزرے ہیں۔
انہوں نے اس سال کے شروع میں تقریبا تین مہینے اسپتال میں گزارے تھے۔ 10 جولائی 1925 کو پیدا ہونے والے مہاتیر محمد نے دو بار وزیر اعظم کی حیثیت سے خدمات انجام دیں، پہلی بار 1981 سے 2003 تک ملک کے چوتھے قومی رہنما کی حیثیت سے عہدہ سنبھالا۔
اس کے بعد وہ 2018 سے 2020 تک 92 سال کی عمر میں دوسری بار وزیر اعظم رہے۔
Comments
Comments are closed.