پنجاب کو وفاق کی طرف سے 3.683 کھرب روپے ملیں گے

پنجاب حکومت نے مالی سال 25-2024ء میں وفاقی حکومت سے 3683,103.227 ملین روپے وصول کرنے کا تخمینہ لگایا ہے جبکہ سال 24-2023 میں 2664,792.796 ملین روپے کے نظر ثانی شدہ تخمینے لگائے گئے تھے۔

بجٹ دستاویز کے مطابق آئندہ مالی سال میں براہ راست ٹیکسوں کی مد میں 1558434.521 ملین روپے وصول کرنے کا تخمینہ لگایا گیا ہے جس میں سے 1553867.721 ملین روپے آمدن پر ٹیکس کی مد میں جبکہ 4566.800 ملین روپے قابل عمل اثاثوں پر کیپیٹل ویلیو ٹیکس کی مد میں لگائے جائیں گے۔

آئندہ مالی سال میں بالواسطہ ٹیکسوں سے 2124668.706 ملین روپے متوقع ہیں جبکہ رواں مالی سال میں 1598972.108 ملین روپے کے نظر ثانی شدہ تخمینے لگائے گئے تھے۔ آئندہ مالی سال میں لینڈ کسٹم سے 434,548.774 ملین روپے، نیٹ کے درآمدی حصے پر سیلز ٹیکس کی مد میں 1416764.330 ملین روپے، فیڈرل ایکسائز سے 272994.962 ملین روپے اور فیڈرل ایکسائز آن نیچرل گیس سے 360.640 ملین روپے متوقع ہیں۔

بجٹ دستاویز کے مطابق آئندہ مالی سال میں صوبائی ٹیکس ریونیو کے ذریعے 471,911,000 ملین روپے وصول کرنے کا تخمینہ ہے۔ ڈائریکٹ ٹیکسز کے ذریعے 58927.500 ملین روپے جبکہ انکم (زراعت) پر ٹیکس کی مد میں 3500.000 ملین روپے، پراپرٹی ٹیکس کی مد میں 29118.500 ملین روپے، لینڈ ریونیو کے ذریعے 24659.000 ملین روپے اور پیشے، تجارت اور کالنگ پر ٹیکس کی مد میں 1650 ملین روپے متوقع ہیں۔

آئندہ مالی سال میں بالواسطہ ٹیکسوں کے ذریعے 398,233.500 ملین روپے متوقع ہیں جن میں سیلز ٹیکس (جی ایس ٹی صوبائی) کے ذریعے 294,000.000 ملین روپے، صوبائی ایکسائز کے ذریعے 3846.000 ملین روپے، اسٹامپ ڈیوٹی کے ذریعے 76983.500 ملین روپے، موٹر گاڑیوں کے ذریعے 23404.000 ملین روپے اور دیگر بالواسطہ ٹیکسوں کی مد میں 14750.000 ملین روپے متوقع ہیں۔

کاپی رائٹ بزنس ریکارڈر، 2024