آسٹریلیا کی بنگلہ دیش کے خلاف ٹیسٹ سیریز کے لیے کمنز، ہیزل ووڈ اور لائن کی واپسی

جوش ہیزل ووڈ اور ناتھن لیون کی انجری سے صحتیابی کے بعد بنگلہ دیش کے خلاف دو ٹیسٹ میچوں کی ہوم سیریز کے لیے 13 رکنی آسٹریلوی اسکواڈ میں واپسی ہو گئی ہے۔

پیٹ کمنز، ہیزل ووڈ، مچل اسٹارک اور لائن پر مشتمل آسٹریلیا کا بگ فور پیس اٹیک ایک سال بعد ایک ساتھ اسکواڈ کا حصہ بنا ہے، تاہم چیف سلیکٹر جارج بیلی کا کہنا ہے کہ پلیئنگ الیون کا حتمی فیصلہ بعد میں کیا جائے گا۔ہیزل ووڈ کی واپسی کے باعث مائیکل نیسر کو ایشز میں عمدہ کارکردگی کے باوجود ٹیم سے باہر ہونا پڑا ہے، جبکہ اسکاٹ بولینڈ کو ان کے مقابلے مضبوط امیدوار قرار دیا جا رہا ہے۔ عثمان خواجہ کی ریٹائرمنٹ کے بعد اوپنر جیک ویدرالڈ کو ایشز میں ناقص کارکردگی کے باوجود برقرار رکھا گیا ہے۔

کیمرون گرین اور جوش انگلس بھی ٹیم کا حصہ ہیں۔ ورلڈ ٹیسٹ چیمپئن شپ کی پوائنٹس ٹیبل پر پہلے نمبر پر موجود آسٹریلیا اگست میں ڈارون اور میکائے میں بنگلہ دیش کی میزبانی کرے گا۔

آسٹریلین اسکواڈ:

پیٹ کمنز (کپتان)، اسکاٹ بولینڈ، الیکس کیری، کیمرون گرین، جوش ہیزل ووڈ، ٹریوس ہیڈ، جوش انگلس، مارنس لیبوشین، ناتھن لیون، اسٹیو اسمتھ، مچل اسٹارک، جیک ویدرلڈ، بو ویبسٹر۔