اسپین نے ارجنٹینا کا خواب چکنا چور کر دیا، میسی غمزدہ

لیونل میسی نے کہا ہے کہ اسپین کے ہاتھوں ورلڈ کپ فائنل میں ارجنٹینا کی شکست سے شدید دکھ پہنچا ہے، تاہم انہوں نے مسلسل دوسرے فائنل میں پہنچنے پر اپنی ٹیم کی تعریف کی اور مداحوں کی حمایت کا شکریہ ادا کیا۔

ایسٹ ردرفورڈ نیو جرسی میں کھیلے گئے فائنل میں اسپین نے اضافی وقت میں ارجنٹینا کو 0-1 سے شکست دی۔ فیران ٹوریس کے فیصلہ کن گول نے 2022 کے چیمپئنز کو مسلسل دوسری بار عالمی کپ جیتنے سے محروم کر دیا۔ اس نتیجے کے ساتھ ہی 1962 میں برازیل کے بعد پہلی بار ٹرافی کا دفاع کرنے کا ارجنٹینا کا خواب ٹوٹ گیا۔

میسی نے سوشل میڈیا پر لکھا کہ یہ دکھ بہت بڑا ہے اور اس زخم کو بھرنے میں وقت لگے گا، لیکن میں تمام اچھی یادوں کو اپنے ذہن کے گوشے میں محفوظ رکھوں گا۔ پورا ملک ہمارے ساتھ کھڑا رہا، جس نے ہماری محنت کے ساتھ مل کر ہمیں ایک بار پھر دنیا کی بہترین ٹیموں میں کھڑا کیا۔

39 سالہ میسی نے اسپین کو مبارکباد دی اور کہا کہ مسلسل دوسرے فائنل میں پہنچنا باعثِ فخر ہے۔ میسی، کیفوں کے بعد تین مردانہ ورلڈ کپ فائنلز (2014، 2022 اور رواں سال) کھیلنے والے دنیا کے دوسرے کھلاڑی بن گئے ہیں۔انہوں نے مزید کہا کہ ہم ایک بار پھر ایک قوم بن کر متحد ہوئے اور ارجنٹینی ہونے کے فخر کو مل کر محسوس کیا۔