BR100 Decreased By (-0.13%)
BR30 Decreased By (-0.06%)
KSE100 Increased By (0.71%)
KSE30 Increased By (0.81%)
BAFL 60.75 Increased By ▲ 0.21 (0.35%)
BIPL 24.48 Increased By ▲ 0.23 (0.95%)
BOP 31.45 Increased By ▲ 0.22 (0.7%)
CNERGY 11.81 Increased By ▲ 0.10 (0.85%)
DFML 15.88 Increased By ▲ 0.22 (1.4%)
DGKC 206.00 Increased By ▲ 3.99 (1.98%)
FABL 96.40 Increased By ▲ 0.55 (0.57%)
FCCL 61.56 Increased By ▲ 0.92 (1.52%)
FFL 15.00 Increased By ▲ 0.23 (1.56%)
GGL 20.00 Increased By ▲ 0.11 (0.55%)
HBL 311.00 Increased By ▲ 2.78 (0.9%)
HUBC 209.50 Increased By ▲ 2.48 (1.2%)
HUMNL 8.39 Decreased By ▼ -0.33 (-3.78%)
KEL 6.38 Increased By ▲ 0.04 (0.63%)
LOTCHEM 25.17 Increased By ▲ 0.45 (1.82%)
MLCF 107.20 Increased By ▲ 2.30 (2.19%)
OGDC 316.50 Increased By ▲ 0.29 (0.09%)
PAEL 35.90 Increased By ▲ 0.34 (0.96%)
PIBTL 14.22 Increased By ▲ 0.22 (1.57%)
PIOC 277.45 Increased By ▲ 3.92 (1.43%)
PPL 229.00 Increased By ▲ 1.77 (0.78%)
PRL 80.30 Decreased By ▼ -0.57 (-0.7%)
SNGP 94.75 Increased By ▲ 0.21 (0.22%)
SSGC 23.80 Increased By ▲ 0.05 (0.21%)
TELE 7.59 Increased By ▲ 0.11 (1.47%)
TPLP 13.08 Increased By ▲ 0.16 (1.24%)
TRG 53.50 Increased By ▲ 0.15 (0.28%)
UNITY 9.30 Decreased By ▼ -0.03 (-0.32%)
WTL 1.33 Decreased By ▼ -0.05 (-3.62%)
مارکٹس

ایران پر تازہ حملوں کے بعد خام تیل کی قیمتیں ایک فیصد بڑھ گئیں

  • برینٹ کروڈ آئل 78.88 ڈالر، انٹرمیڈیٹ 74.37 ڈالر فی بیرل پر جاپہنچا
شائع اپ ڈیٹ

امریکہ کی جانب سے ایران پر تازہ حملوں کے بعد جمعرات کو خام تیل کی قیمتوں میں ایک فیصد سے زائد اضافہ دیکھا گیا۔ ان حملوں نے جنگ کے خاتمے کے لیے مذاکرات اور آبنائے ہرمز کو مکمل طور پر کھولنے کی امیدوں کو دھچکا پہنچایا ہے۔

برینٹ کروڈ آئل کے سودے 86 سینٹس یا 1.1 فیصد اضافے کے ساتھ 78.88 ڈالر فی بیرل پر پہنچ گئے۔

امریکی ویسٹ ٹیکساس انٹرمیڈیٹ خام تیل کے سودے 85 سینٹس یا 1.2 فیصد اضافے کے ساتھ 74.37 ڈالر فی بیرل ریکارڈ کئے گئے ۔

امریکی فوج کی جانب سے ایران پر تازہ حملے شروع کیے جانے کے بعد بدھ کو کاروبار کے اختتام کے بعد ہونے والی تجارت میں خام تیل کے دونوں عالمی معیارات برینٹ اور ڈبلیو ٹی آئی کی قیمتوں میں ایک ڈالر سے زائد کا اضافہ ریکارڈ کیا گیا۔

امریکی صدر ڈونلڈ ٹرمپ کی جانب سے ایران پر نئے حملوں کی دھمکی کے بعد یہ بینچ مارکس دو ہفتوں سے زائد کی بلند ترین سطح پر بند ہوئے تھے۔

آئی این جی کے تجزیہ کاروں نے کلائنٹس کیلئے اپنے ایک نوٹ میں کہا کہ ایران پر امریکہ کے تازہ حملوں کے باعث آج صبح تیل کی قیمتوں میں اضافہ ہوا جبکہ حالیہ کشیدگی نے نازک جنگ بندی پر اعتماد کو مزید کمزور کر دیا ہے

امریکی فوج نے کہا ہے کہ اس نے اہم آبی گزرگاہ آبنائے ہرمز کو بحری آمدورفت کے لیے کھلا رکھنے کے مقصد سے ایران پر حملوں کا سلسلہ مکمل کرلیا ہے۔ یہ کارروائی صدر ڈونلڈ ٹرمپ کی جانب سے ایران کے ساتھ جنگ کے خاتمے کے لیے طے پانے والے عبوری معاہدے کو ختم قرار دینے کے چند گھنٹے بعد سامنے آئی۔

امریکی سینٹرل کمانڈ کے مطابق امریکی افواج نے ایران کے تقریباً 90 فوجی اہداف کو نشانہ بنایا جن میں فضائی دفاعی نظام، ساحلی نگرانی کے مراکز، میزائل اور ڈرون ذخیرہ گاہیں، بحری عسکری صلاحیتیں اور ایران کے ساحلی علاقوں میں واقع فوجی لاجسٹک ڈھانچہ شامل تھا۔

ایران نے بدھ کو کہا کہ اس نے امریکہ کی جانب سے بنیادی ڈھانچے پر کیے گئے پہلے حملوں کے جواب میں بحرین اور کویت میں واقع امریکی فوجی تنصیبات کو نشانہ بنایا۔

ایران کے ساتھ جنگ سے قبل دنیا بھر کی تیل اور ایل این جی کی ایک پانچویں رسد آبنائے ہرمز سے گزرتی تھی اور 28 فروری کو ایران کے خلاف امریکہ اور اسرائیل کے فضائی حملوں سے شروع ہونے والے اس تنازع میں آبی گزرگاہ پر تہران کا کنٹرول ہی اس کا سب سے بڑا اثاثہ (لیوریج) رہا ہے۔

آئی جی کے تجزیہ کار ٹونی سیکامور نے اپنے ایک نوٹ میں کہا کہ حالیہ ہفتوں میں آبنائے سے گزرنے والی تیل کی بڑی مقدار کا سلسلہ فی الحال ختم ہوگیا، توقع ہے کہ شپ اونرز اب زیادہ محتاط رویہ اختیار کریں گے۔

ڈی بی ایس بینک کے ہیڈ آف انرجی ریسرچ سوورو سرکار نے کہا کہ واشنگٹن اور تہران کے درمیان عبوری امن معاہدے کے باوجود جیو پولیٹیکل (جغرافیائی و سیاسی) خطرات بدستور موجود ہیں، انہیں توقع ہے کہ تنازع کے حوالے سے یہ غیر یقینی صورتحال قلیل مدت میں تیل کی قیمتوں کو سہارا دے گی۔

Comments

200 حروف